Olivier Giroud yamaze kugaragaza ko Arsenal ifite ubushobozi bwo kwitabira Champions League

Rutahizamu w’Umufaransa wanyuze mu ikipe ya Arsenal ku ngoma y’umutoza Arsene Wenger ariwe Olivier Giroud yamaze gutangaza ko ikipe ya Arsenal igomba kuzakina imikino ya Champions League umwaka utaha ndetse ngo amakipe arimo Manchester United, Chelsea na Tottenham Hospurs ngo nta nimwe ishobora kuzaza imbere ya Arsenal.

Uyu mugabo yagarutse ku bihe byiza yagiriye mu ikipe ya Arsenal ndetse ahamya ko ari ikipe nziza kandi ikumbuwe muri Champions League.

Olivier Giroud w’imyaka 35 y’amavuko yabashije gukina imikino itandukanye muri Arsenal kuko yabashije kuyikinira imikino 253 abasha kuyitsindira ibitego 105 ndetse atanga n’imipira 41 yavuyemo ibitego.

Uyu mukinnyi yavuye mu ikipe ya Arsenal yerekeza n’ubundi mu ikipe nayo iherereye London mu bwongereza ariyo Chelsea aho yabashije naho kuhakina imikino itandukanye mbere yo kwerekeza muri Shampiyona y’Ubutaliyani mu ikipe ya Milan AC.

Muri Arsenal Olivier Giroud yabashije kwitabira Champions League uko zagendaga zikinwa mu bihe bitandukanye ndetse yabashije kuyitsindira ibgitego 12 muri iri rushanwa ndetse atangamo n’imipira itandatu yavuyemo ibitego mu mukino yose yakinnye muri iri rushanwa.

Ubwoyaganirahga n’ikinyamakuru The Athletic Giroud yabajijwe impamvu abona Arsenal yakunze kugorwa no kwitabira Champions League muri iyi myaka nyamara amakipe arimo Chelsea agahora yitabira mu magambo ye yagize ati:

Amafaranga ni ikintu kinini kandi gikomeye birumvikana niba Chelsea yaraguraga umukinnyi kuri miliyoni 90 yagombaga kugera kure gusa nanone hari ikindi kintu gishobora kurusha agaciro ayo mafaranga ndavuga uburyo utangira uhatana kugeza ku munota wa nyuma rero Chelsea yakundaga gutangira neza shampiyona kurusha Arsenal.

Uyu mugabo yatangaje ko Mikel Arteta yabashije gukora ikintu gikomeye muri Arsenal akaza gutangira neza ndetse akaba ayoboye n’urutonde rwa shampiyona y’ubwongereza ndetse yahamije ko kuba habura umukino umwe ngo amakipe abona akaruhuko bishobora kuzafasha Arsenal mu gihe yakomeza guhatana ndetse ikanarinda umwanya wayo aho avuga ko byazafasha cyane iyi kipe kurushaho guhatana muri shampiyona.

Avuga ko kuba Arsenal yarabashije guhatana bikomeye ikiyubaka biyiha amahiwe yo kuzabasha kwitwara neza imbere y’amakipe arimo Manchester United,Chelsea,ndetse na Tottenham Hotspurs.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO