PAKISTAN: Kugenda mu mihanda isanzwe birasaba gutega ubwato bitewe n’umwuzure warengeye 1/3 cy’igihugu

Pakistan iri mu bihe bigoye cyane aho kimwe cya gatatu cy’ubuso bw’iki gihugu bwamaze kurengerwa n’umwuzure udasanzwe aho iki kibazo bititezwe ko gikemuka vuba.

Minisitiri ushinzwe iteganyagihe muri Pakistan, Sherry Rehman yatangaje ko kimwe cya gatatu cy’ubuso bw’igihugu cyose bwarengewe n’amazi kuburyo wagirango ubutaka bwahindutse inyanja.

Pakistan iri mu makuba akomeye kuko aya mazi yiretse kubera umwuzure nta buryo bafite bwo kuyavoma ngo bajye kuyamena ku bundi butaka bwumagaye cyangwa ibyuzi kuko byateza undi mwuzure muri utwo duce utagezemo.

Kugeza ubu imibare y’agateganyo iravuga ko umuntu umwe muri barindwi yamaze gukurwa mu bye n’ubwangizi bw’uyu mwuzure aba bakaba bangana n’abaturage miliyoni 33 ba Pakistan naho abasaga 75 bakaba bamaze gupfa mu masaha 24 ashize.





Kugenda mu mihanda isanzwe ya Pakistan birasaba gutega ubwato

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO