PERU:Ntushobora gupfa mbere yo gupfa Yakomanze ku isanduku ubwo bari bagiye kumushyingura

Rosa Isabel Cespede Callaca, umugore wari ufite imyaka 36 wo muri Peru yatunguranye akomanga ku isanduku yari agiye gushyingurwamo, kugira ngo yumvikanishe ko akiri muzima.

Byabaye mu mpera z’ukwezi gushize tariki 26 Mata ubwo ibitaro uyu mugore yari arwariyemo byatangazaga ko yamaze gupfa.

Umuryango we wahise utegura umuhango wo kumushyingura ariko isanduku igiye kumanurwa mu mva, haba ikintu kidasanzwe.

Abari bateruye isanduku bagize impungenge, biba ngombwa ko bafungura isanduku ngo barebe icyabaye.
7 Sur 7 dukesha iyi nkuru, yatangaje ko bamaze gufungura, batunguwe no kubona Rosa Isabel Cespede Callaca akirimo umwuka.

Hahamagajwe Polisi, bamusubiza kwa muganga ariko biba iby’ubusa kuko nyuma y’amasaha make, yongeye gupfa noneho bya nyabyo.

Rosa Isabel Cespede Callaca yari mu bitaro kubera impanuka ikomeye yanaguyemo bamwe mu bo mu muryango we.

Hatangajwe ko muganga watangaje ko Rosa Isabel Cespede Callaca yapfuye bwa mbere, yamwibeshyeho kuko yari yaguye muri coma ikomeye.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO