POLAND: Miss Uwase Tina, Ngarukiye, Ingangare barataramana n’Abanyarwanda bizihiza umunsi w’Umuganura

Miss Uwase Clémentine [Tina], Umuhanzi Ngarukiye Daniel, ndetse n’itsinda Ingangare batumiwe gutaramana n’Abanyarwanda mu gitaramo cyo kwizihiza umunsi w’Umuganura kizabera mu Mujyi wa Poznan muri Poland.

Muri uyu mwaka insanganyamatsiko y’Umuganura iragiira iti “Umuganura, isôoko y’ubumwe n’ishingiro ryo kwigira.”

Bitewe n’ingamba zashyizweho zigamije kwirinda ikwirakwira ry’icyorezo cya Covid-19, ibirori byo kwizihiza umuganura muri uyu mwaka bizakorwa hifashishijwe ikoranabuhanga ndetse bibere mu muryango.

Abanyarwanda baba muri Poland barizihiza umunsi w’umuganura, babifashijwemo n’abashyitsi b’imena barimo Minisitiri w’Ubucuruzi n’inganda, Solaya Hakuziyaremye, Umunyamabanga wa Leta muri Minisiteri y’Urubyiruko n’Umuco, Bamporiki Edouard na Kalisa Rugano.

Ibi birori bizasusurutswa na Daniel Ngarukiye, Ingangare, Miss wambitswe ikamba ry’igisonga cya mbere cya Miss Elite 2020, Dj Lexx, Dj Frankos, Dj T-Maxx bibere ahitwa Ul.Zwierzyniecka 3 Poznan Conference.

Mu kiganiro Genesis TV yagiranye na Miss Tina yavuze ko mu birori byo kwizihiza Umuganura muri Poland aza kugaragaza ikamba aherutse kwegukana ndetse anavuge umushinga we ukomeye azakorera mu Rwanda.

Uyu mukobwa yavuze ko ari kunoza neza umushinga we wo gukora ibitambaro by’isuku ‘pads’ zifashishwa n’abakobwa mu gihe cy’imihango.

Avuga ko azajya azikora mu birere by’insina kandi ko ari kwifashisha amafaranga yakuye mu bihembo yegukanye ndetse n’abaterankunga biyemeje kumushyigikira.
Yavuze ko ashobora gufungura uruganda cyangwa se akajya akorera mu nyubako yamufasha gushyira neza mu ngiro umushinga.

Umuganura watangiye kwizihizwa mu Rwanda ku Ngoma ya Gihanga Ngomijana mu kinyejana cya kenda (9), hanyuma uza kongera guhabwa imbaraga na Ruganzu II Ndori (1510-1543).
Umuganura wongeye kwizihizwa ku rwego rw’Igihugu mu mwaka wa 2011.


Uwase Tina wambitswe ikamba ry’igisonga cya mbere cya Miss Elite 2020


Ingangare zizaririmba mu kwizihiza umuganura


Daniel Ngarukiye azasusurutsa ibirori byo kwizihiza umunsi w’umuganura muri Poland

Genesisbizz

Related Articles

Ibitekerezo

  • - Marie Louise Habaguhirwa

    Nishimiye intambwe uyu munyarwandakazi amaze gutera , uwase Tina uri ikitegererezo mubanyarwandakazi turagushyigikiye . Keep it up nshuti nziza

Igitekerezo cyawe kirashyirwaho aruko gisusumwe

TANGA IGITEKEREZO