Padiri Ubald ubuzima bwe buri mu kaga nyuma yo kwandura COVID-19

Padiri Ubald Rugirangoga uzwi cyane mu masengesho yo gusabira abarwayi bagakira indwara zirimo izananiranye ndetse n’izo baba bamaranye imyaka myinshi zarananiye abahanga yanduye icyorezo cya COVID19.

Ku wa Kabiri tariki 20 Ukwakira 2020, nibwo byatangajwe ko Padiri Ubald yanduye Coronavirus ndetse ubuzima bwe butameze neza ariko arimo kwitabwaho n’abaganga.

Mu butumwa bwanyujijwe ku rukuta rwa Facebook, Padiri Ubald yavuze ko amaze iminsi adakora isengesho rya Rozari kuri uru rubuga ku mpamvu z’uko yanduye icyorezo cya COVID19 ndetse ubuzima bwe butameze neza.

Itangazo ryagiraga riti “Turisegura ko hashize igihe nta Rozari iba mu minsi mike ishize, Padiri Ubald arabasaba ko mu musengera. Yanduye COVID19, kandi ntabwo ameze neza. Arimo guhabwa ubufasha bwa ngombwa ndetse n’ubuvuzi kugira ngo abashe gukira vuba. Mu gihe cya vuba aramera neza ndetse azakomeza gukora isengesho rya Rozari. Hagati aho mukomeze kumusengera, namwe ubwanyu.”

Padiri Ubald yari amaze iminsi afasha abakristu gatolika mu kuvugira hamwe isengesho rya Rozali akoresheje imbuga nkoranyambaga cyane cyane Facebook.

Padiri Ubald yanduye COVID19

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO