Padiri Ubald Rugirangoga wari urembeye muri Amerika yitabye Imana

Padiri Ubald Rugirangoga wari umaze iminsi itari mike arwariye muri Leta z’unze z’Amerika yitabye Imana, nyuma yo kwandura icyorezo cya Korona Virus kikamuzahaza.

Amakuru avuga ko Padiri Obaldi Rugirangoga wari umaze igihe arwariye mu bitaro byo muri Leta zunze ubumwe z’Amerika biri muri Leta ya Utah, yitabye Imana, saa tanu zo muri Amerika Yazize uburwayi bw’ibihaha n’izindi nyama zo mu nda zangijwe na COVID-19 yari amaze iminsi arwaye ariko yarakize.

Urupfu rwe rwamenyeshejwe mbere na mbere abantu bakora muri Komisiyo y’Igihugu y’Ubumwe n’Ubwiyunge na Unity Club kuko Padiri Obaldi Rugirangoga yari asanzwe ari umurinzi w’igihango, ndetse n’abepiskopi ba hano mu Rwanda.

Aho yari arwariye muri USA, mu Ntara ya Utah bageragaje kumufasha ariko biranga kuko ibihaha byari byarangiritse cyane.

Tariki ya 21 Ukwakira nibwo hamenyekanye inkuru ko Ubald wamenyekanye cyane mu masengesho yo gusabira abarwayi bagakira ndetse n’isanamitima, yanduye icyorezo cya Corona Virus.

Kuva icyo gihe uyu mu padiri ntabwo yongeye kugaragara mu ruhame detse yari ageze ku rwego rwo guhumekera mu byuma yongerewe umwuka.
Mu mashusho yacaracaye ku mbuga nkoranyambaga mu minsi ishize cyane cyane mu minsi mikuru ya Noheli n’ubunani yagaragazaga Padiri Ubald nk’umunyantege nke ariko akihangana akifuriza abakristu bose Noheli nziza ndetse n’umwaka mushya muhire.

Iyaherukaga yifurizaga abantu umwaka mushya muhire, yasaga nkuwatoye agatege ariko ijwi riva kure, mu byo yavugaga byose ntiyasozaga kuvuga atifurije abantu amahoro nk’uko yari yarabigize intero mu nyigisho ze.

Mbere y’uko Padiri Ubald yandura Corona Virusi yari amaze iminsi afasha abakristu gatolika mu kuvugira hamwe isengesho rya Rozali akoresheje imbuga nkoranyambaga cyane cyane Facebook.

Musenyeri Celestin Hakizimana wa Diyosezi ya Gikongoro akaba n’umuyobozi wa diyosezi ya Cyangugu yemeje ko Ubald yitabye Imana ari muri Amerika aho yari amaze iminsi arwariye

Ubald yitabye Imana

Imana imuhe iruhuko ridashira.

Genesisbizz

Related Articles

Ibitekerezo

  • - Twagirimana Felicien

    Padiri obaldi IMANA imuhe iruhuko ridashira.ari nkanjye utanga ijuru narimuha kuko yararikoreye pe!

Igitekerezo cyawe kirashyirwaho aruko gisusumwe

TANGA IGITEKEREZO