Pallaso warasiwe muri Afurika y’Epfo yemeje ko ameze neza (video)

Ku mugoroba wo kuri uyu wa Gatatu tariki 19 Gashyantare 2020, umwe mu bahanzi bikomeye bo mu gihugu cya Uganda uzwi nka ‘Pallaso’ mu muziki yarasiwe muri Afurika Y’Epfo n’abantu bataramenyekana ubwo yarari gufata amashusho y’indirimbo ye.

Ku mugoroba w’uyu wa Gatatu, abinyujije ku rukuta rwe rwa Facebook, uyu musore usanzwe uvukana na Jose Chameleone, Weasel Manizo n’abandi bavandi baaragara mu muziki wa Uganda, yifashe amashusho y’imbonankubone (Live Stream) agaragaza ibiri ku mubaho muri iryo joro.
Imodoka Pallaso yagerageje guhungiraho bikanga bikaba iby’ubusa
Hari mu masaha agana ku isaha ya saa tatu z’ijoro za hano mu Rwanda ubwo Pallaso yifashishaga amashusho yagaragazaga uko amerewe muri ako kanya ubwo bari bakimara kumurasaho, ndetse n’imodoka yararimo ikamenagurwa ibirahure.

Pius Mayanja uzwi nka Pallaso avuga ko yararikumwe n’inshuti ye ubwo berekezaga I Johannesburg akaza gusagarirwa n’abantu bitwaje ibikoresho gakondo birimo imihoro.

Pallaso avuga ko bamukubise cyane,nyuma aza guhungira ku modoka yari hafi aho gusa uwari uyitwaye yanga kumuha ubufasha, akomeza yirukanka ari nako bamwiruka inyuma.

Muri iryo joro Pallaso yavugaga ko atabizi neza niba aribuve muri iki gihugu amahoro kuko yihishe amasaha menshi abashakaga kumwica.

Pallaso wumvikanaga mu ijwi ribabaye cyane, kandi ryiganjemo ugutakamba kwinshi yigingira abantu kumusengera, yakomeretse ku maboko ndetse no ku gice cyo hasi ku mugongo.

Mu minota micye ishize, Pallaso yifashishije urubuga rwa Instagram amaze kwemeza ko ameze neza, anashimira abamubaye hafi muri ibi bihe yanyuzemo bitari bimworoheye.

Yagize ati: “Mwakoze mwese ababanye nanjye muri ibi bihe, ndashima imana ku kuba buri gihe ihorana nanjye. Ubu meze neza, ibikomere nagize bizakira mu gihe runaka.”
Pallaso kuri ubu yemeje ko ameze neza aho ari kwitabwaho n’abaganga
Pallaso wagaragaraga ku mashusho afite amaraso ku kuboko, kuri ubu avuga ko ameze neza n’ubwo ataramenya uburyo aribuve muri iki gihugu kugeza magingo aya.

Dore videwo Pallaso asobanura uko amerewe kuri ubu:

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO