Pallaso yatanze inkunga ya Miliyoni 7.5 zo gufasha Oscar Big Tym na Ghetto Kids

Umuhanzi Pius Mayanja wamenyekanye nka Pallaso muri Uganda yongeye gukora igikorwa cyakoze benshi ku mutima ubwo yashyikirizaga inkunga ingana na Miliyoni 7.5 z’amashilingi ya Uganda yakusanyijwe mu bahanzi bagenzi be mu rwego rwo gufasha abana bo mu itsinda rya Oscar Big Tym na Ghetto Kids.

Pallaso yavuze ko gufata Miliyoni 1 y’amashilingi akayiha Oscar ari ibintu yari amaranye igihe kinini cyane bikaba byari mu buryo bwo kumufasha kubona imiti nyuma y’igihe kini uyu Oscar atagaragara mu ruhande rwa Muzika.

Yagize ati "Ndifuza kubona Oscar yongera kugaruka mu kibuga tukongera tukumva ijwi rye."

Si Oscar gusa Big Tym gusa yafashihe kuko nyuma yaho yakusanyije andi agera kuri Miliyoni 7.5 z’amashiilingi ayashyikiriza abana bagize itsinda rya Ghetto Kids.

Yagize ati “Maze igihe kinini ndi umufana w’Itsinda rya Ghetto Kids akaba ariyo mpamvu nifuje kubafasha kuko imyaka irenga 2 barataye amasomo nta n’ikintu na kimwe bakora aya mafaranga rero akaba azabafasha mu gihe bagitegereje ko ibikorwa bimwe na Bimwe by’Imyidagaduro ndetse n’amashuri byongera gufungura."

Nubwo uyu muhanzi yakusanyije iyo nkunga y’amafaranga angana gutyo mu cyumweru gishize yari yasabye abakunzi be ko bamufasha kubona Miliyoni 100 z’amashilingi ngo abashe gusohora imodoka ye yo mu bwoko bwa Range Rover mu kigo cy’Imisoro n’amahoro cya Uganda (URA), ariko kubera ko atabashije kuyagezaho bituma afata icyemezo cyo kujya gufasha abo bana.

Nyuma yo gushyikiriza iyo nkunda abo bana bose Pallaso yashimiye abafana be batahwemye kumuba hafi muri iyi myaka yose.

Yagize ati “Ndashimira abafana banjye ndetse no mu bihe bikomeye bya Covid-19, nta gushidikanya mwangaragarije urukundo rukomeye cyane."

Mu gusoza Pallaso yashimiye kandi Umuhanzi Davido kuba yarabahaye urugero rwiza rwo kwerekana ko bakunzwe cyane yatwigishije ko twese twashobora gutanga tubivanye ku mutima.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO