Papa Benedigito wa XVI yatangaje ko igihe cye cyigeze akitahira mu ijuru

Papa Benedigito wa XVI w’imyaka 94 kuri ubu uri mu kiruhuko cy’izabukuru I vatican mu butariyani nyuma yo gusezera ku mirimo ye nk’Umuyobozi w’ikirenga wa Kiliziya Gatolika mu mwaka wa 2013, Uyu musaza wubashywe cyane kw’isi yatunguye benshi ubwo yatangazaga ko abona igihe cye cyigeze ngo asange inshuti n’abavandimwe be mu bwami bw’ijuru.

Ibi byasomwe mu ibaruwa y’akababaro uyu mushumba yandikiye umuryango wa Padiri Gerhardi Winkler uherutse kwitaba Imana ikaba yarasomewe I Wilhering muri Austria aho Padiri Gerhardi Winkler yavukiye mu mwaka wa 1931.

Muri iyi baruwa, handitsemo ko urupfu rwa Padiri Gerhardi Winkler rwakoze ku mutima wa Papa Benedigito wa XVI cyane, ibi kandi byanatangajwe mu Kinyamakuru Catholic News Agency ishami ryandika inkuru z’Ikidage, ari nacyo gihugu cy’amavuko cya Papa Benedigito wa XVI.

Avuga kuri uru rupfu, Papa Benedigito wa XVI yagize ati:”Amakuru y’urupfu rwa Prof Dr. Padiri Gerhardi Winkler rwangezeho kandi rwambabaje. Mu nshuti n’abavandimwe nari nsigaranye yambaga hafi cyane, kwicisha bugufi n’ukwemera kwe byankoze ku mutima. Ubu rero yageze mu yindi Si, sinshindikanya ko inshuti zacu ziriyo zari zimutegereje kandi nizeye kubasanga vuba.”

Papa Benedigito wa XVI yanditse iyo baruwa y’akababaro mu gihe hari hashize igihe gito apfushije Mukuru we Padiri Joseph Ratzinger yari maze iminsi amusuye ubwo yari arembeye mu bitaro by’iwabo.


Papa Benedigito wa XVI w’imyaka 94 kuri ubu uri mu kiruhuko cy’izabukuru

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO