Papa Cyangwe yatandukanye na Rocky Kirabiranya watumye amenyekana

Umuhanzi Abijuru king Lewis wiyita Papa Cyangwe yatangaje ko atakibarizwa mu nzu ifasha abahanzi (label) ya Rocky izwi nka Rocky Entertainment.

Papa Cyangwe umuraperi wari umaze kuzamuka mu myidagaduro nyarwanda yamaze gusezera muri label ya Rocky Entertainment ndetse muri iki cyumweru haramurikwa umuhanzi mushya ugomba kumusimbura.

Mu cyumweru gishize nibwo umuraperi Papa Cyangwe yatangaje ko ari hafi gushyira hanze EP yise Sitaki iriho indirimbo 6.

Ibintu byaratunguranye ubwo ku ifoto yamamazaga iyi EP byagaragaraga ko yakozwe bigizwemo uruhare n’ikiswe Cuma Gang mu gihe byari bizwi ko ari umuhanzi ubarizwa muri Rocky Entertainment.

Ariko nanone kuri iyi foto mu buryo butagaragara neza handitsweho ngo “Gutwika bitinjiza nta mumaro, Simbishaka gumana ibyawe”, ibintu byongeye urujijo mu bakurikira umuziki.

Urujijo rwakomeje kwiyongera nyuma y’aho Rocky Kirabiranya yicecekeye ntagire ikintu na kimwe avuga kuri EP ya Papa Cyangwe.

Amakuru dukesha abafite aho bahurira n’iyi nzu ifasha abahanzi avuga ko uyu musore yabatunguye agasezera.

Aya makuru avuga ko Papa Cyangwe yababwiye ko amaze gukura akeneye gukora ibintu bye uko abyumva, atari mu kwaha k’undi muntu.

Andi makuru mashya twamenye kandi ni uko Rocky Entertainment yahise ifata undi muhanzi mushya usimbura Papa Cyangwe, akazerekanwa bitarenze iki cyumweru dutangiye.

Umuraperi Papa Cyangwe wahoze yitwa King Lewis yatangiye gufashwa na Rocky Entertainment mu mwaka 2019. Yari yarakoze indirimbo nyinshi ariko ntiyamenyekana.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO