Pasitori yasabye imbabazi kubera ikwirakwira rya Coronavirus

Pasitori mukuru w’urusengero rwabaye intandaro y’ikwirakwira rya coronavirus muri Koreya y’Epfo yasabye imbabazi igihugu ku ruhara yagize muri iri kwirakwira.

Lee Man-hee ayoboye itorero rya Shincheonji Church of Jesus yapfukamye asaba imbabazi mu kiganiro n’abanyamakuru.

Abagera kuri 60% mu bantu barenga 4000 banduye iyi ndwara muri iki gihugu ni abayoboke b’uru rusengero.

Uyu munsi ku wa mbere, Koreya y’Epfo - igihugu kivugwamo iyi ndwara ku mugabane wa Aziya nyuma y’Ubushinwa - yatangaje abandi bantu 476 bashya banduye, bituma uyu mubare ukomeza kuzamuka.

Ubuyobozi bwasabye ko Bwana Lee akorwaho iperereza ku burangare bukabije yaba yaragize bituma iyi ndwara ikwirakwira hose.

Uuo mupasitori w’imyaka 88 ati: "Nubwo atari cyo twari tugambiriye, abantu benshi baranduye. twakoze uko dushoboye kose, ariko byaranze".

Muri abo bantu banduye, 3081 bava mu gace ka Daegu kari mu majyepfo ashyira uburasirazuba bw’iki gihugu, kandi muri abo, abagera kuri 73% bose bafitaniye isano n’uru rusengero ruri hafi y’aho.

Mu murwa mukuru Seoul, umukuru w’uyu mugi yasabye abawutuye bagera kuri miliyoni 10 gukorera mu rugo kandi bakirinda kujya ahahurira abantu benshi.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO