Patient Bizimana warokotse igitutu cy’abamusabaga kurongora avuga ko na Se byamushimishije

Umuhanzi ukora indirimbo zo kuramya no guhimbaza Imana Patient Bizimana witegura ubukwe n’umukunzi we witwa Uwera Gentille uba muri Leta Zunze Ubumwe z’Amerika yavuze ko umubyeyi we yishimiye ko agiye kubaka.

Tariki ya 20 Kamena, uyu muhanzi hamwe n’umukunzi we nibwo berekanywe mu rusengero rwa Evangelical Restoration Church i Masoro.

Nyuma yo kwerekanamwa mu rusengero uyu musore yifashishije urubuga rwe rwa Instagram yanditseho amagambo yuje urukundo abwira umukunzi we.

Ati “Inshuti n’umufatanyabikorwa mu buzima "Gentille B", uhuza umutima wanjye, impano y’imana n’umugisha wanjye, uyu munsi nishimiye ko uhari mu buzima bwanjye, uri igitangaza cyigeze kubaho mu buzima bwanjye. Hamwe nawe, ubuzima bufite ubusobanuro nyabwo kandi bukwiriye kwishimira ... Imana ni iyo kwizerwa cyane. "

Uyu muririmbyi ashobora kuba yarafashe icyemezo cyo gushaka nyuma yaho Se umubyara yagiye amusaba kurongora mu bihe bitandukanye aho yabaga yitabiriye ibitaramo bye .

Patient yatangarije The New Times ko papa we ari umufana ukomeye cyane wa muzika ye aho yitabira ibitaramo bye bitandukanye harimo igitaramo ngarukamwaka cyo kwizihiza Pasika cyabaye mu mwaka 2018, aho uyu muhanzi yajyanye umubyeyi we ku rubyiniro amwereka abakunzi be maze Se amubariza imbere y’abafana igihe azashakira umugore.

Muri uwo mwaka nyuma yo kubazwa icyo kibazo n’umubyeyi nibwo umubano hagati ya Bizimana n’umukunzi we Gentille Uwera watangiye kuri ubu aba bombi umushinga wo kubana bakaba baramaze kuwunoza bakaba basigaje gutangaza itariki y’ubukwe bwabo.

Uyu muhanzikazi yakomeje agira ati “Ubwo nerekaga papa umukazana we yarishimye cyane, ariko uyu niwo mwanya nari ntegereje igihe kirekire. Intangiriro mu itorero ryerekana intangiriro y’igice cyacu gishya cy’ubuzima .”

Uyu muhanzi Patient Bizimana yakunze kuvugwa mu rukundo n’abakobwa batandukanye, barimo Miss Rwanda 2015 Doriane Kundwa ubu wibera muri canada, Deborah Masasu, umukobwa w’intumwa Joshua Masasu n’umuririmbyi wa gospel Gabby Kamanzi.

Patient Bizimana n’umukunzi we uba USA

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO