Patriots BBC izatozwa n’Umunyamerika, iri kwitegura gute imikino ya BAL?

Ubuyobozi bw’ikipe ya Patriots Basketball Club bwatangaje ko buri gukora igishoboka cyose ngo bwitegura imikino ya Bal iteganyijwe kubera mu Rwanda mu mpera z’uyu mwaka.

Mu mikino y’ijonjora rya mbere yabereye muri Tanzania iyi kipe yabaye iya mbere, ndetse no mu ijonjora rya kabiri ryabereye mu Rwanda mu mpera z’umwaka ushize ifata umwanya wa mbere ihita ibona itike yo kwerekeza mu kindi kiciro kizabera I Kigali.

Perezida w’iyi kipe Brian Kirungi avuga ko bizeye ko shampiyona y’imbere mu gihugu izasubukurwa kugira ngo abakinnyi bashobore kubona imikino myinshi yo kwitegura amarushanwa yo ku mugabane wa Afurika arimo na BAL.

Kuva mu kwezi kwa Werurwe, Patriot BBC imaze gutwara ibikombe bitatu byikurikiranya mu Rwanda, yo kimwe n’andi makipe ntabwo bigeze bakora imyitozo kuva ibikorwa by’imikino byahagarikwa kubera icyorezo cya Covid-19.

Ku cyumweru, Kirungi aganira na Times Sport, yagize ati: "Shampiyona ituma turushaho kuba beza mu bijyanye no guhuza muri twe ndetse bikanafasha n’abakinnyi gusubira ku rwego rwabo. Turizera ko shampiyona izakomeza mbere ya BAL 2020."

Dufite abakinnyi babiri bashya muri iyi kipe barimo Gilbert (Nijyimbere) na Bush (Wamukota) batigeze babona amahirwe yo gukina umukino uwo ari wo wose wo guhatanira shampiyona y’uyu mwaka."

Patriots yabonye umwanya wa mbere imaze gutsinda GNBC i Kigali
Amarushanwa ya Bal ubundi yari ateganyijwe kuba mu kwezi kwa Werurwe uyu mwaka, ntiyaba bitewe n’icyorezo cya Covid 19 kibasiye isi ndetse n’abanyafurika muri rusange.

Mu mikino ya Bal Patriots BBC izaba iyobowe n’umutoza ukomoka muri Leta Zunze Ubumwe z’Amerika witwa Dean Murray aho azungirizwa n’umunya-Kenya witwa Bernard ’Ben’ Oluoch ndetse n’umurundi witwa Olivier Ndayiragije.

Patriots BBC yageze muri iki gice cya nyuma itsinze imikino 9 yose. Ntagihindutse biteganyijwe ko BAL y’uyu mwaka izaba mu kwezi kwa Ukuboza 2020 I Kigali, mu nyubako ya Kigali Arena, guhera tariki 5 kugeza ku ya 20.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO