Paul Pogba yashyiriyeho amananiza Manchester United mu masezerano mashya yifuza gusinya

Paul Labile Pogba ukinira ikipe y’igihugu y’Ubufaransa na Manchester United arifuza kuvugurura amasezerano ye biteganyijwe ko azarangira mu kwezi kwa Kamena 2022.

Paul Pogba ni umwe mu bakinnyi baciye agahigo ko kugurwa amafaranga menshi na Manchester United kuko yaguzwe akayabo ka miliyoni 105 z’Amayero.

Icyo gihe hari tariki 8 Kanama 2016 ubwo yaguzwe avuye mu ikipe ya Juventus ndetse asinya amasezerano y’imyaka itanu (5) akinira Manchester United.

Mu gihe amasezerano y’imyaka itanu ya Pogba w’imyaka 28, abura amezi make ngo arangire, Uyu mukinnyi yifuje kuvugurura amasezerano ye n’ikipe ya Manchester United gusa ashyiramo ingingo isa nk’amananiza.

Mu masezerano mashya Pogba yifuza gusinya, hakubiyemo ko agomba kurusha umushahara n’agahimbazamusyi mugenzi we bakinana Cristiano Ronaldo uherutse kugaruka muri Manchester United avuye mu ikipe ya Juventus.

Aya masezerano Pogba yifuza naramuka yemewe bizatuma aba umukinnyi wa mbere uhembwa agatubutse kurusha abandi bose muri shampiyona y’Abongereza.

Kuva igihe twateguraga iyi nkuru, umukinnyi uri ku mwanya wa mbere uhembwa amafaranga menshi muri shampiyona y’Abongereza mu mwaka wa 2021, nk’uko tubikesha Sky Sport ni Cristiano Ronaldo.

Dore uburyo abakinnyi icumi bahembwa agatubutse kurusha abandi ku Isi bakurikirana :



Pogba arifuza guhembwa agatubutse kurusha Cristiano.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO