Peace Cup:Ikipe ya Rayon Sports yihanangirije Police FC bituma yegukana umwanya wa 3

Ku munsi w’ejo habaye umukino wo guhatanira umwanya wa gatatu mu gikombe cy’Amahoro ndetse ni umukino wabereye kuri Stade ya Kigali I Nyamirambo aho warangiye ikipe ya Rayon Sports yihanangirije ikipe ya Police FC ibitego 4-0.

Uyu mukino ntabwo wari woroshye ku ruhande rw’ikipe ya Police FC kuko umunyezamu wayo Ndayishimiye Eric abenshi bakunda kwita Bakame yaje kubona ikarita itukura.

Mu bisanzwe ikipe ya Police FC yatangiye umukino itanga ikizere kuko nibura mu minota 15 ya mbere y’umukino iyi kipe yabanje kwerekana amavamuhira ndetse ibanza kugenda irema uburyo bukomeye bw’ibitego.

Iminota 45 y’igice cya mbere yarangiye nta kipe nimwe ibashije kureba mu izamu ry’iyindi kuko cyarangiye ari 0-0.

Igice cya kabiri cyabaye cyaje ari rukukumbashingwe ku ikipe ya Police FC kuko yanyagiwemo imvura y’ibitego 4 byose.

Gutsinda uyu mukino byafashije Rayon Sports kwegukana umwanya wa gatatu mu irushanwa ry’uyu mwaka, mu gihe Police FC yasoje ku mwanya wa kane.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO