Pele yashimiye Cristiano Ronaldo nyuma yo kwesa agahigo ko gutsinda ibitego byinshi kw’isi

Mu Mpera z’icyumweru twasoje ku itariki ya tariki ya 14 Werurwe 2021 ubwo ikipe ya Juventus Du Turin yakinaga na Cagliari. Rutahizamu w’umunyaportugal Cristiano Ronaldo yatsindiye ikipe ye ibitego 3 kuri 1 cya Cagliari , ibitego byatumye uyu musore ahita yesa agahigo ko gutsinda ibitego byinshi nyuma y’umunyabigwi Edson Arantes do Nascimento uzwi nka Pele.

Nyuma y’uwo mukino uyu musore yahise aca agahigo ko gutsinda ibitego byinshi kuva yatangira gukina ruhango nk’umunyamwuga aho yahise arusha ibitego Pele wari ukamaranye imyaka myinshi aho we yari yaratsinze 757 , Cristiano akaba yagize 770.

Cristiano Ronaldo uzwiho kwishima cyane iyo agize ikintu cyiza ageraho kuri uwo munsi ntago yigeze yishimira agahigo ka Pele yakuyeho ahubwo ku cyumweru nyuma y’uwo mukino amaze gutsinda ibyo bitego bitatu Cagliari nibwo yafashe umwanya wo kwishimira ko asimbuye uwo munyabigwi mu gutsinda ibitego byinshi mu mateka ya ruhago kw’isi .

Mu magambo make yuzuye ibyishimo yagize ati “Ndashimira buri wese wagize uruhare mu iterambere ry’urugendo rwanjye mu mupira w’amaguru kugeza aho kuri ubu arinjye ufatwa nk’uwatsinze ibitego byinshi kw’isi."

Ku ruhande rw’Umunyabigwi wo muri Brazil Pele abinyujije ku rukuta rwe rwa Instagram uyu musaza yashimiye cyane Cristiano Ronaldo ubashije kumuhiga agakuraho ako gahingo ko gutsinda ibitego byinshi mu mupira w’amaguru kw’isi.

Yagize ati “ Ubuzima ni urugendo rwerekeza ahantu hamwe ,buri wese akora urwe rugendo kandi nawe uri mu rugendo rushimishije ,Ndagushimira cyane, nkunda kureba imikinire yawe nta n’ibanga rikirimo kuri buri wese ukunda ruhago.

Ndagushimira cyane kuba wabashije gukuraho agahigo nagezeho ko gutsinda ibitego byinshi mu mikino yemewe , gusa mbabajwe nuko uri kure yanjye ngo nguhobere ngushimira."

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO