Pep Guardiola yatangaje amagambo akomeye ku mikinire ya mugenzi we Diego Simeon

Mu ijoro ryo kuri uyu wa gatatu habaga umukino karundura wahuzaga Manchester City na Athletico Madrid muri Champions League 1/4 umutoza w’ikipe ya Manchester City Pep Guardiola yatangaje ko ikipe ya Athletico Madrid yabaryamyeho kugeza ku munota wa nyuma.

Irushanwa rihuza amakipe yabaye yambere iwayo rizwi nka Champions League rigeze aho umwana arira nyina ntiyumve dore ko ubu harimo gukinwa imikino yo gukuranwamo muri 1/4.

Gusa iri joro habaga umukino ukomeye cyane wahuzaga ikipe ya Manchester City na Athletico Madrid aho umukino ubanza ikipe ya Manchester City yari yabashije gutsinda igitego 1-0 cyatsinzwe n’Umubiligi Kevin De Brune ku munota wa 70 gusa mu ijoro ryakeye byari ishiraniro ku kibuga cya Wanda Metropolitano gikinirwaho n’ikipe ya Athletico Madrid.

Diego Simeon yari yakaniye cyane uyu mukino wo mu ijoro ryakeye dore ko bitari byoroshye kumenera mu izamu rye ndetse uyu mutoza afatwa nk’uzi kurinda izamu kuburyo bukomeye, mu mukino ubanza ikipe ya Athletico Madrid yari yakinishije abakinnyi barenga 5 mu bwugarizi.

Abatoza bombi yaba Pep Guardiola na mugenzi we wa Athletico Madrid Diego Simeon bombi bafatwa nk’abatoza bakomeye kandi bazi amayeri y’umukino.

Umukino waje kurangira amakipe yombi aguye miswi 0-0 bituma ikipe ya manchester City ikomeza ku gitego 1-0 mu mikino yombi uyiteranyije gusa umutoza Pep Guardiola yatangaje ko ikipe bakinaga igoranye cyane ndetse bigoye ko yasobanura imikinire y’iyi kipe.

Uyu mutoza yagize ati’’ biragoye cyane kuvuga imikinire y’iyi kipe bisa naho yari yaducukuriye umwobo kuko twebwe twaje dutekereza ko bashobora gukina uburyo bwo kwataka bagakoreshya abakinnyi 3-5-2 gusa ntabwo ariko byagenze ahubwo baje bacukura umwobo bubaka urukuta rukomeye bakinisha abakinnyi 5-5-0 ndetse ubu buryo bwabagaho mu gihe cya cyera.

Ubwo umutoza Diego Simeon yabazwaga niba amagambo yatangajwe na Guardiola hatarimo kumwubahuka yatangaje ko ntacyo yabivugaho ndetse ahamya ko atazi niba yamuvuze neza cyangwa nabi.

Magingo aya ikipe ya Manchester City igomba guhura muri 1/2 n’ikipe ya Real Madrid, kuko ikipe ya Real Madrid yabashije gusezerera ikipe ya Chelsea yo mu gihugu cy’Ubwongereza kurundi ruhande kandi ikipe ya Liverpool igomba guhura n’ikipe ya Vellareal.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO