Ibihumbi n’ibihumbi byitabiriye ibirori byo gusezera kuri Perezida Idriss Déby - Amafoto

Kuri uyu wa gatanu tariki 23 Mata 2021 nibwo Perezida Maréchal Idriss Déby Itno yasezeweho bwa nyuma muhango witabiriwe n’abakuru b’ibihugu barimo na Emmanuel Macron w’u Bufaransa.

Mu gitondo cyo ku wa kabiri tariki ya 20 Mata 2021 nibwo kw’isi hose hasakaye Inkuru y’urupfu rwa Perezida Idriss Déby Itno itangajwe n’umuvugizi w’ingabo za Tchad Jenerali Azem Bermandoa Agouna mu itangazazo yasomeye kuri Televiziyo y’igihugu.

Yagize “Ni umubabaro mwinshi wo kumenyesha abaturage ba Tchad ko Perezida wa Repubulika, Umuyobozi mukuru w’ingabo, Idriss Déby Itno, yitabye Imana nyuma y’ibikomere by’amasasu yagize ku wa gatandatu ushize ubwo yari mu bikorwa byo kurengera ubusugire bw’akarere ku rugamba."

Nyuma y’iminsi isaga itatu uyu mugabo wafatwaga nk’umwe mu bayobozi bo mu Afurika bakomeye nibwo habaye umuhango wo kumusezeraho bwa Nyuma , umuhango wabereye mu murwa mukuru Djamena ahazwi nka Place de l’Indépendance mu Murwa Mukuru.

Witabiriwe nabo mu muryango we barangajwe imbere n’umugore Hinda Deby Itno n’umuhungu we Gen Mahamat Idriss Déby Itno ndetse n’abakuru b’ibihugu bisaga cumi na kimwe nka Mohamed Bazoum uyobora Niger na Bah Ndaw wa Mali ndetse na Emmanuel Macron w’u Bufaransa na Felix Tshisekedi wa RDC.

Mu ijambo rye ryuje ikiniga umugore wa Nyakwigendera Hinda Deby Itno yagize ati “umugabo wanjye niwe muntu wakundaga Tchad cyane ariko Imana yamukunze by’umwihariko iramwisubiza, avuga ko Tchad izakomeza kwibuka ubutwari bwamuranze."

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO