Magufuli yashimishijwe no guhura kwa Diamond, Alikiba na Harmonize

Nyuma y’igihe kitari gito abahanzi bakomeye muri Tanzania badacana uwaka, ngo bicare ahantu hamwe baganire, kuri iki cyumweru mu nama y’abanyamuryango b’ishyaka riri ku butegetsi muri Tanzania rya “Chama cha Mapinduzi” ( CCM) bicaye ku meza amwe bishimisha umukuru w’igihugu.

Mu ijambo rya perezida Wa Tanzania John Pombe Magufuli yagejeje kubari bitabiriye iyi nama yageze aho ahagurutsa aba bahanzi bari bicaranye, abashimira umuhate, ndetse n’urukundo bagaragaje mu bikorwa byabo bagashyira inzangano hasi bakaza mu iri iyi nama bakicara ku meza amwe.

Ati” Mwabonye AliKiba, yicaranye na Diamond ku meza amwe, ndetse murebe neza na Harmonize baricaranye, iyi niyo CCM, iyi niyo Tanzania dushaka, aba nibo ba Tanzania bazi urukundo, ndabashimira cyane bahanzi bacu mbarimo ideni rikomeye cyane kubera iki gikorwa mwakoze."

Alikiba asanzwe ari umurwanashyaka w’imena w’ishyaka rya “Chama cha Mapinduzi” ndetse na Diamond bagiye banakora indirimbo nyinshi zisingiza iri shyaka.


Alikiba,Diamond na Harmonize bongeye guhura

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO