Perezida Kagame yavuze ikipe yashyigikira hagati ya PSG na Arsenal yihebeye

Perezida wa Repubulika y’u Rwanda Paul Kagame yahishuye ko Arsenal ndetse na Paris Saint-Germain zisanzwe zamamaza ubukerarugendo mu Rwanda, ko ziramutse zihuye nta n’imwe yabogamiraho ahubwo ko yazishyigikira ku kigera cya 50%.

Kuva mu 2018, Ikigo cy’Igihugu cy’Iterambere (RDB) cyatangiye gukorana na Arsenal mu bufatanye bugamije guteza imbere ubukerarugendo bw’u Rwanda mu gihe mu mpera z’umwaka ushize wa 2019 aribwo na none iki kigo cyongeye kugirana na ubufatanye nk’ubu n’ikipe ya Paris Saint-Germain yo mu Bufaransa, ariko bwo bukibanda cyane no kumenyekanisha ibikorerwa mu Rwanda.

Mu kiganiro yagiranye na Jeune Afrique, Perezida Kagame usanzwe warihebeye Arsenal Fc yo mu Bwongeleza, yabajijwe ikipe yashyigikira aya makipe yombi aramutse ahuye, avuga ko zombi yazishyigikira kukigero kingana.

Yagize Ati “Nakomeza kutabagoma. Hamwe n’indoro y’umukunzi w’umupira w’amaguru nyawe nkabasha kubona amakosa tekiniki (y’imikinire) ku mpande zombi kandi nkishimira ibyo bakora neza bose. Ni nko kumbaza guhitamo hagati y’u Bushinwa na Leta Zunze Ubumwe za Amerika: Ntabwo nahitamo. Ni 50-50. “

Yakomeje ashimangira kandi ko ubu bufatanye bwagize akamaro ku mpande zose.
Ati "Aya masezerano twayabonyemo inyungu nyinshi kandi biri gutanga umusaruro, haba ku ikipe ya Paris Saint Germain na Arsenal FC kandi turabyishimiye."

Mu ntangiriro z’uyu mwaka wa 2020, RDB yatangaje ko mu mwaka wa mbere u Rwanda rukorana na Arsenal, rwinjije miliyoni 33£ mu gihe rwari rwiteze kubona miliyoni 28£ ndetse gukorana n’iyi kipe yo mu Bwongereza byongereye umubare wa ba mukerarugendo basura u Rwanda.

Paris Saint Germain kandi uretse kuba yamamaza u Rwanda igiye no gushinga ishuli ry’umupira w’amaguru mu karere ka Huye.


Paris Saint Germain ifite gahunda yo gushinga ishuri ry’umupira w’amaguru


Arsenal niyo yabaye iyambere mu kwamamaza u Rwanda

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO