Perezida Zelensky yashimagije Joe Biden avuga ko akwiye kuba umuyobozi w’isi bituma Amerika igenara inkunga ya milliyoni 800 Ukraine

Intambara iracyakomeje hagati y’Uburusiya na Ukraine aho iyi ntambara ikomeje kugwamo benshi mu baturage ba Ukraine ndetse abandi bakomeje guhunga iki gihugu bahungira mu bihugu bihana imbibi na Ukraine gusa ku munsi w’ejo ushize nibwo perezida Zelensky yashimagije cyane perezida wa Leta zunze ubumwe za Amerika Joe Bidden amubwira ko akwiriye kuba umuyobozi w’isi yose.

Kuwa gatatu w’iki cyumweru nibwo perezida wa Ukraine Volodymyr Zelensky yatanze imbwirwaruhame mu buryo bw’ikoranabuhanga bityo mu mvugo yuzuyemo amarangamutima menshi.

Yakomeje gusaba ubutegetsi bwa Leta zunze ubumwe za Amerika ko bwagira icyo bukora Ukraine ikava mu bibazo by’intambara ikomeje gufata indi ntera igihugu cye cyagabweho n’Uburusiya.

Zelensky yakomeje ashimagiza Perezida wa Leta zunze ubumwe za Amerika ’Joe Biden’ bigeza aho yamusabye ko yaba umuyobozi w’isi, ibi byaje kunyura cyane perezida Joe Bidden maze bituma ahita agenera igihugu cya Ukraine inkunga irenga miliyoni ( 800 $) z’amadolari ya Amerika mu gufasha iki gihugu gukomeza kwirwanaho mu gihe cy’iyi ntamabara gihanganye n’Uburusiya.

Mu magambo ye perezida Zelensky yabwiye Joe Biden ati’’ Uri umuyobozi w’igihugu kandi igihugu cyawe kirakomeye ndakwifuriza kuba umuyobozi w’isi kandi kuba umuyobozi w’isi bisobanuye kuba umuyobozi w’amahoro".

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO