Perezida Zelenskyy yashyiriyeho ibihano Abarusiya bagera ku 119 bafite aho bahuriye n’ubutegetsi bw’i Moscow

Ku munsi wo kuwa Gatandatu perezida wa Ukraine bwana Volodymr Zelensky yasinye iteka rifatira ibihano bikomeye Abarusiya bagera ku 119 biganjemo cyane cyane abafite aho bahuriye n’ubuyobozi bwa Perezida Vladimir Putin.

Nubwo byamaze gutangazwa ko aba bantu bakomoka mu gihugu cy’Uburusiya bafatiwe ibihano na Zelensky ntabwo biramenyekana niba batuye muri Ukraine.

Mu bantu bafatiwe ibihano na Perezida Zelenskyy kandi bakomoka mu Burusiya harimo n’umukinnyi wa Filimi witwa Nikita Mikhalkov hamwe n’umuririmbyi witwa Anna Natrebko ndetse na Margarita Simonanyan uyobora Televisiyop yitwa RT.

Kugeza ubu muri aba bagiye gufatirwa ibihano biravugwa ko hari imitungo itandukanye bafite ikaba iri ku butaka bwa Ukraine ndetse buri kimwe cyabo bahafite gishobora kugwatirwa.

Kugeza ubu harabura ukwezi kumwe kugirango intambara ya Ukraine n’u Burusiya imare umwaka ibihugu byombi biri mu mirwano ndetse umunsi ku wundi buri gihugu kivuga ko kivugana ingabo bahanganye.

Abantu benshi bakomeje kwibaza amaherezo y’intambara iri hagati y’ibihugu aba bagabo bayoboye n’uburyo izarangiramo.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO