Perezida w’Inteko ishinga amategeko y’Uburayi, David Sassoli yapfuye ku myaka 65.

Mu kwezi gushize kwa Ukuboza, bwana Sassoli yajyanywe mu bitaro bitewe n’ikibazo cyo gukora nabi kwa gahunda y’ubwirinzi bw’umubiri. Uyu mugabo yari amaze ibyumweru bisaga bibiri arembye cyane ndetse yari yarasubitse gahunda ze zose. Mu rukerera rwo kuri uyu wa kabiri nibwo uyu mugabo yashizemo umwuka aho yari arwariye mu bitaro.

David Maria Sassoli yavukiye mu Butaliyani tariki 30 Gicurasi 1956. Uyu mugabo yamenyekane cyane nk’umunyapolitike w’Umutaliyani ariko nanone akaba yari perezida w’inteko ishinga amategeko y’Uburayi.

Mu rukerera rwo kuri uyu wa kabiri nibwo inkuru yasakaye ko Sassoli ashizemo umwuka aho yari arwariye mu bitaro biherereye i Aviano mu Butaliyani, Nkuko byatangajwe n’umuvugizi we Robert Cuillo.

David Sassoli yabanje gukora umwuga w’itangazamakuru ndetse nyuma aza kureka uyu mwuga aho yaje kuba perezida w’Inteko ishinga amategeko y’Uburayi kuva muri Nyakanga 2019 kugeza tariki 11 Mutarama 2022, ubwo yatabarukaga.

Akimara gutorwa nyuma yo gutsinda abandi yari ahanganye nabo bikomeye, mu mbwirwaruhame yatanze yashishikarizaga ibihugu bigize Umuryango w’ubumwe bw’ibihugu by’Uburayi gushyira hamwe bakirinda intambara n’ubushyamirane ahubwo bakimakaza umuco w’amahoro n’uburinganire kuri bose.

Sassoli yaharaniraga amahoro n’uburinganire ku bantu bose.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO