Perezida Macky Sall yavuze ko Sadio Mane ari nk’umutima wa Senegal ndetse amwifuriza gukira vuba nubwo atazitabira igikombe cy’Isi

Umukuru w’igihugu cya Senegal bwana Macky Sall yatangaje ko Sadio Mane ari umutima wa Senegal ndetse yashavujwe bikomeye no kuba Kapiteni w’iki gihugu atazitabira igikombe cy’Isi kigomba kubera muri Qatar kubera ikibazo cy’imvune yagize gusa yamwifurije gukira vuba.

Sadio Mane yavunikiye mu mukino wahuzaga ikipe ya Bayern Munich na SV Werder Bremen aho uyu mukino wabereye ku kibuga Allianz Arena ku munsi w’ejo kuwa Kabiri taliki ya 8 Ugushyingo 2022.

Kugeza ubu Sadio Mane niwe mukinnyi umaze gutsindira ikipe y’igihugu ya Senegal ibitego byinshi aho amaze kuyitsindira ibitego bigera kuri 34 mu mikino mpuzamahanga amaze kuyikinira.

Sadio Mane yasimbuwe nyuma y’iminota 15 gusa ndetse ikipe ye ya Bayern Munich yanyagiye imvura y’ibitego 6-1 ikipe ya Werder Bremen ndetse muri uyu mukino Mane byarangiye agize ikibazo mu ivi rye ry’iburyo.


Perezida wa Senegal Macky Sall yababajwe no kuba Sadio Mane atazakina igikombe cy’Isi gusa atangaza ko ari umutima w’ikipe y’igihugu kandi yamwifurije gukira vuba

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO