Perezida wa Ukraine yasabiwe kongerwa ku rutonde rw’abazahabwa igihembo cy’amahoro

Itsinda ry’abanyepolitiki bo mu Burayi basabye ko igihe ntarengwa cyo gutanga igihembo cy’amahoro cyitwa Nobel Peace Prize cyakongerwa kugirango Volodymyr Zelensky azabashe guhabwa iki gihembo kuko agikwiye.

Perezida wa Ukraine Volodymyr Zelensky yasabiwe kongerwa ku rutonde rw’abazahabwa igihembo cy’amahoro cyizwi nka Nobel Peace Prize.

Abanyamategeko basaga 30 bandikiye akanama gahinzwe gutanga ibi bihembo basaba ko igihe ntarengwa cy’abatoranywa cyakongerwa kigakurwa ku itariki 31 Mutarama, bakayishyira mu mpera z’ukwezi kwa Werurwe kugirango perezida wa Ukraine n’abaturage ba Ukraine baranzwe n’ibikorwa by’amahoro bahabwe amahirwe yo kwegukana iki gihembo.

Abanyapolitiki baturutse mu bihugu by’Ubuholandi, Esitoniya, Ubudage, Ubwongereza, Suwede, Bulugariya, Romaniya na Solovakiya bamaze kwandika ibaruwa irimo amagambo akomeye.

Bavugaga ko Zelensky ari umugabo w’umutima ukomeye wemeye gusezera umuryango we akajya kwitangira igihugu ku rugamba ashobora kugwaho.

Abandi banenze iki gitekerezo bavuga ko bidakwiye gutanga igihembo cy’amahoro mu bihe by’intambara.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO