Perezida wa Ukraine yavuze ijambo rikomeye nyuma y’iminsi 50 ishize bari mu ntambara n’Uburusiya

Perezida wa Ukraine ’Volodymyr Zelenskyy’ yavuze ijambo rikomeye nyuma y’iminsi 50 igihugu cye gishojweho intambara n’Uburusiya.

Perezida Zelenskyy yabyise igikorwa gikomeye cyane ku baturage ba Ukraine bemeye gutanga ubuzima bwabo bakemera kurwanira igihugu cyabo kuva iyi ntambara bahanganye n’Uburusiya yatangira ku wa 24 Gashyantare.

Yakomoje ku minsi ya mbere iyi ntambara itangira ubwo abayobozi bo mu bihugu by’amahanga bibazaga niba Ukraine izarokoka ndetse bamwe bakamugira inama yo guhunga igihugu.

Gusa yavuze ko batari bazi uburyo abaturage ba Ukraine bafite ubutwari n’umutima ukomeye n’uburyo baha agaciro ukwishyira ukizana kwabo aribyo byatumye babasha kumara iyi minsi isaga 50 bahangana n’Uburusiya kandi bikabusaba gukoresha imbaraga nyinshi z’umurengera.

Kugeza uyu munsi ibyabereye muri Ukraine, perezida Joe Biden wa Leta zunze ubumwe za Amerika yabyise jenoside, gusa ibindi bihugu byo mu Burayi Bw’unze Ubumwe ntabwo birafatira umwanzuro iyi ntambara ngo byemeze ko ari jenoside cyangwa intambara isanzwe.

Perezida w’Ubufaransa Emmanuel Macron yagaragaje ko adashyigikiye imvugo yakoreshejwe na Joe Biden ndetse byarakaje guverinoma ya Ukraine.

Ku wa gatatu dusoje nibwo Bwana Macron yavuze ko gukabiriza inyito ibiri kuba bitagarura amahoro ahubwo byarushaho gusubiza ibintu i Rudubi.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO