Perezidansi y’Uburusiya yatangaje ko igiye kugerera mu kebo Amerika yayigereyemo iyifatira ibihano yise intambara y’ubukungu

Nyuma y’uko Leta zunze ubumwe za Amerika zifatiye ibihano by’Ubukungu Uburusiya nyuma yo gushoza intambara kuri Ukraine, Byiganjemo gukumira ibicuruzwa byose birimo ibikomoka kuri peteroli, Uburusiya bwatangaje ko nabwo bugiye gukora igikwiye.

Nyuma yo gufatirwa ibihano by’ubukungu na Leta zunze ubumwe za Amerika, Uburusiya bwatangaje ko ibi atari ibihano, ahubwo ngo ni intambara y’ubukungu, nk’uko byatangajwe na Dmitry Peskov, Uyu akaba ari umuvugizi wa perezidansi y’Uburusiya.

Uyu muvugizi yakomeje agira ati:" Ibihe turimo birasaba ubushishozi buhambaye, Niba mushaka kumbaza ibyo Uburusiya buri bukore, Ni uko buzakora ibikwiye byose kugirango busigasire inyungu zabwo."

" Leta zunze ubumwe za Amerika zamaze gushoza intambara y’ubukungu ku Burusiya mu buryo bweruye ndetse ziracyayikomeje."

Mu bindi bihano byiyongera ku gukumira ibikomoka kuri peteroli bituruka mu Burusiya, Leta zunze ubumwe za Amerika zafatiye ibindi bihano by’ubukungu abanyapolitike 26 n’abandi bakungu bakomeye b’Uburusiya bafite imitungo muri Amerika.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO