Pius na Melodie basohoye indirimbo ivuga ku bakobwa n’abasore bafite ubushyuhe

Umuhanzi Deejay Pius afatanyije na Bruce Melodie basohoye indirimbo nshya bise “Ubushyuhe” bavuga ko ari iyo gukura abantu mu bwigunge bitewe n’ibihe barimo bitari byiza bitewe na Covid-19.

Muri iyi ndirimbo aba bahanzi baba baririmba bibanda cyane ku ijambo rivuga ngo “Aba bakobwa n’abasore bafite ubushyuhe mureke baryoshye irijoro ubanza tutari butahe.”

Deejay Pius aganira na Genesisbizz yavuze ko iyi ndirimbo ari iyo kuryoshya cyane ku rubyiruko rw’iki gihe.

Ati “Urubyiruko rw’iyi minsi nta bintu byinshi ruba rwishakira Atari ukunezerwa birengagije ibibazo gusa kuko turi mubihe bikomeye twashatse gutanga ubutumwa kugirango bareke kwigunga.”

Iyi ndirimbo yayikoranye na Bruce Melodie kuko ngo yamusanze muri Studio ari kuyikora akayikunda amusaba ko nawe yaririmbamo.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO