Platini avuga ko gusubira mu bihe bya kera na TMC baririmbanaga muri Dream Boyz ntako byaba bisa mu bitaramo agiye gukorera muri Amerika

Platini P aritegura ibitaramo agiye gukorera muri Leta zunze ubumwe za Amerika bitangira kuri uyu wa gatandatu tariki 15 Ukwakira ndetse yakomoje ku bibaza niba azaririmbana na TMC wahoze ari umwe mubagize itsinda Dream Boyz.

Platini waraye ahagurutse i Kigali mu ijoro ryo ku wa mbere mu kiganiro n’itangazamakuru yakomoje ku bibaza niba azaririmbana na TMC baririmbanaga mu itsinda rya Dream Boyz aho uyu asanzwe atuye muri Leta zunze ubumwe za Amerika aho yagiye kuminuriza.

Platini yakomeje avuga ko kongera gutaramana na TMC mu ndirimbo za Dream Boyz ntako byaba bisa dore ko aba bombi basangiye amateka menshi arimo n’ubuzima bw’ishuri kuko bihuje bakiri abanyeshuri mu cyahoze ari Kaminuza nkuru y’U Rwanda.

Gusa kugeza ubu abashinzwe inyungu z’uyu muhanzi ntibaremeza koko niba hazahabo gutarama kw’aba bombi nk’uko bahoze ari itsinda kuko ibyapa byamamaza igitaramo byerekana Platini n’itsinda Charly na Nina nk’abahanzi bazasusurutsa abantu aho biteganyijwe ko bazatangirira i Louisville Kentucky kuri uyu wa gatandatu.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO