Platini yasubitse gusohora indirimbo ye na Knowless

Mu cyumweru gishize nibwo umuhanzi Nemeye Platini yasohoye ifoto yamamaza indirimbo ye yakoranye na Butera Knowless avuga ko izasohoka uyu munsi taliki ya 7 Nzeri 2020 gusa umunsi wageze atangaza ko itagisohotse.

Uyu muhanzi wahoze aririmba mu itsinda rya Dream Boys akaza gutandukana na mugenzi we TMC abinyujije kuri instagram ye yiseguye ku bakunzi be ababwira ko iyi ndirimbo yise “Nta birenze” itagisohotse.

Ati “Mu rwego rwo kubaha ibyiza gusa tubiseguyeho muduhe iminsi mike #NTABIRENZE iraba igeze hanze ndabizi abantu banjye murabyumva cyane.

Yasoje ababwira ko iyi ndirimbo izajya hanze kuwa gatanu w’iki cyumweru dutangiye.
Aganira na Genesis TV yasobanuye impamvu basubitse gusohora iyi ndirimbo kuko ngo banze ko indirimbo zigongana bitewe n’uko na Butera Knowless yasohoye amashusho y’indirimbo yitwa “Player.”

Ati “Knowless yasohoye indi video sinifuza ko bibyigana.”
Platini yaherukaga gusohora indirimbo yitwa “Passe” yakoranye na Rafiki Coga Style.


Platini yatangajeko iyi ndirimbo bayisubitse

Amashusho y’indirimbo nshya ya Knowless yaraye asohoye

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO