Police FC yatsindiwe i Rusizi, Rayon Sport itsinda Rutsiro

Kuri uyu wa kane, shampiyona y’icyiciro cya mbere mu mupira w’amaguru yakomezaga, aho Police FC yatsinzwe na Espoir ibitego 2-0 mu mukino waberaga i Rusizi.

Police FC yari iherutse kunyagira Etoile de l’Est ibitego 6-0, ariko kuri uyu munsi i Rusizi yahatakarije amanota atatu, aho ibitego bya Espoir byatsinzwe na Niyonsaba Eric ndetse na Mbonyumwami Thaiba.

Ni mugihe Rayon Sport yatsinze Rutsiro FC igitego 1-0, cyatsinzwe na Musa Esenu ku munota wa 18, naho Etincelles na Bugesera Zanganyije 0-0.


Musa Esenu yatsinze igitego cye cya kabiri muri Rayon Sport

Nyuma y’umunsi wa 17 wa shampiyona, APR FC iyoboye urutonde rwa shampiyona n’amanota 37, igakurikirwa na Kiyovu Sport ifite amanota 35, naho Mukura VS iri ku mwanya wa gatatu n’amanota 29 inganya na Rayon Sport.

Imikino y’umunsi wa 18 wa shampiyona itegerejwe:

Ku wa gatandatu, Tariki 19 Gashyantare 2022:

AS Kigali VS Gorilla FC (Stade ya Kigali)
Gicumbi VS Espoir FC (Stade Gicumbi)

Ku cyumweru, Tariki 20 Gashyantare 2022:

Mukura VS&L VS Marine FC (Stade Huye)
Police FC VS Kiyovu Sport (Stade ya Kigali)
Rutsiro FC VS Gasogi United (Stade Umuganda)

Ku wa mbere, Tariki 21 Gashyantare 2022:

Bugesera FC VS Rayon Sport (Stade Bugesera)
APR FC VS Etincelles FC (Stade ya Kigali)
Musanze FC VS Etoile de l’Est (Stade Ubworoherane)


Urutonde rwa shampiyona ruyobowe na APR FC kugeza ubu

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO