Polisi ya Canada yinjiye mu kibazo cya Safi n’umugore we...barapfa “stress”

Umuhanzi Niyibikora Safi uzwi nka Madiba amaze hafi ukwezi atabana n’umugore we Niyonizera Judithe ndetse binavugwa ko bagiranye ibibazo bigera no kuri Polisi yo mu gihugu cya Canada batuyemo.

Uyu muhanzi amaze iminsi ari kubarizwa mu gihugu cya Canada aho yagiye muri gahunda y’ibitaramo yari afite I Burayi na Leta Zunze Ubumwe za Amerika ariko biza gusubikwa kubera icyorezo cya coronavirus.

Nubwo Safi Madiba yatangaje ko yagiye muri Canada ku mpamvu z’akazi ariko hari bamwe mu nshuti ze bavuga ko yagiye ajyanye n’umugore we usanzwe afite ubwenegihugu bwa Canada ndetse ari naho atuye.

Kugeza ubu umubano wa Safi na Judithe umaze iminsi warajemo agatotsi dore ko muri Werurwe 2020, hari ibiganiro byagiye hanze bigaragaza Safi Madiba n’uwahoze ari umukunzi we Umutesi Parfine bari gutegura kongera kubana.

Kuri ubu ariko hari amakuru avuga ko agiye kumara hafi ukwezi atabana n’umugore we Niyonizera Judithe bari barasezeranye kubana akaramata ku wa 1 Ukwakira 2017.

Ubusanzwe Safi Madiba n’umugore we Judithe Niyonizera bageze muri Canada ku wa 16 Gashyantare 2020, ubwo bari bavuye muri Tanzania aho banyuze baturutse I Kigali.

Amakuru yizewe agera kuri GENESISBIZZ avuga ko kuva ku wa 12 Mata 2020, uyu musore atari kubana n’umugore we ndetse ko acumbikiwe n’umusore w’inshuti ye nk’uko bitangazwa n’inshuti ya Judithe ituye muri Leta Zunze Ubumwe za Amerika.

Bivugwa ko Safi Madiba ari gufashwa n’iyo nshuti ye uko ari nayo imucumbikiye.
Uyu Mugabo ngo yari asanzwe ari inshuti ya Niyonizera Judithe ariko aho Safi aziye muri Canada batangira gufatanya mu mugambi w’uko yasiga umugore we basezeranye ari nawe wamuzanye muri Canada.

Hari andi makuru avuga ko ubwo Safi yagendaga yasize umugore we arwaye bikomeye ari mu bitaro aza kuvayo ndetse ngo umugore we yari afite ikarita yemerera Safi Madiba gutura muri Canada [Resident Card] kuri ubu akaba abayeho nta cyangombwa afite.

Kugeza ubu ntiharamenyekana impamvu uyu mugore yimye ibyangombwa Safi Madiba gusa ngo ubwo Polisi yo muri iki gihugu yamuhamagaraga yayitangarije ko yabijyanye mu Urwego rushinzwe Abinjira n’Abasohoka muri Canada.


UMutesi Parfine wahize akundana na Safi bakaza gutandukana biravugwa ariwe basubiranye


Safi arifuza gatanya na Judithe avuga ko amutera Stress

Genesisbizz

Related Articles

Ibitekerezo

  • - Hhhhh

    Yampayinka, aba ntibazarambana

Igitekerezo cyawe kirashyirwaho aruko gisusumwe

TANGA IGITEKEREZO