Polynesia: Umusare w’imyaka 52 yamaze amasaha 16 yarohamye mu Nyanja

Mu gihugu cya Polynesia umusare w’imyaka 52 ukomoka muri Lituwaniya yakuwe mu Nyanja hafi y’ibirwa bya Australia nyuma y’amasaha 16 aguye mo nkuko ikigo gishinzwe ubutabazi cya Papeete gikora ibikorwa by’ubutabazi muri Polineziya y’Ubufaransa cyabitangaje.

Ku wa kabiri mu gitondo abakora mu bwato bwa Silver Supporter bamenyesheje ikigo cya JRCC ibura rya Injeniyeri mukuru wabwo, nyuma yo kujya gufata amafunguro ya Mu gitondo bakamushaka bakamubura.

Icyo gihe ubwato bwasabwe gusubira inyuma, mu gihe abashinzwe ubutabazi bahise bohereza amato menshi ndetse n’indege zirwanira mu mazi muri ako gace bakekaga ko yaburiyemo.

Nkuko bitangazwa n’icyo kigo gishinzwe ubutabazi cyavuze ko bitewe n’imibare y’icyo kigo ishyiraho inzira zica mu gace k’amajyaruguru y’uburengerazuba cyavuze ko uyu musare ukomoka muri Lituwaniya w’imyaka 52 yasanzwe mu majyepfo y’ibirwa bya Ositaraliya aho yari amaze amasaha agera kuri 16 ari mu mazi, ariko bakaba basanze ubuzima bwe bukimeze neza.

Umuhuzabikorwa w’ubutabazi, Thomas Domenichini, yabwiye ibiro ntaramakuru by’Abafaransa ko nyuma yo kumurokora ubwato bwakomeje inzira yabwo.

Ati "Nyuma yo kumurohora ahagana I sa mbiri za mu gitondo ubwato bwa Silver Supporter bwakomeje inzira yabwo bugana mu birwa bya Pitcairn."

Yanditswe na Jean Paul NSANZABERA

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO