Premier League:Man City yatambutse gitware, Liverpool iratitizwa,Chelsea na Man Utd zombi ziratura zigabanira hamwe

Shampiyona y’igihugu y’Ubwongereza yakomezaga kuri uyu munsi aho amakipe atandukanye yakinaga amwe yitwara neza andi ahura n’uruva gusenya.

Ku mukino wanimburiye indi yose mu Bwongereza ikipe ya Liverpool ntabwo yaje koroherwa kuko yatsinzwe n’ikipe ya Notingam Forest igitego 1-0.

Nyuma yo gutsindwa ikipe ya Liverpool y’umutoza Jurgen Klopp yakomeje kujya mu mazi abira dore ko benshi mu bakunzi bayo batunguwe cyane n’uyu mukino nyuma y’uko baherukaga kwirenza ikipe ya Manchester City.

Undi mukino wakinwaga kandi ikipe ya Manchester City yongeye kotsa igitutu ikipe ya Arsenal nyuma yo gutsinda ikipe ya Brighton ibitego 3-1.

Ibitego bya Manchester City byatsinzwe na kabuhariwe Erling Braut Haaland ndetse ikindi gitego gitsindwa na Kevin De Bruyne umukino urangira utyo aho Haaland nyuma yo gutsinda ibitego 2 wenyine muri uyu mukino yongeye kuvugisha benshi.

Ku rundi ruhande kandi habaga umukino wahuzaga ikipe ya Chelsea yakinaga na Manchester United aho uyu mukino warangiye amakipe yombi aguye miswi.

Amakipe yombi yanganyije igitego 1-1 ndetse igitego cya mbere cyatsinzwe na Chelsea kuri penaliti yinjijwe neza na Jorginho maze mu minota y’inyongera ikipe ya Manchester United yishyura iki gitego gitsinzwe na Casemiro umukino urangira utyo.

Ku munsi w’ejo hategerejwe kandi umukino ugomba guhuza ikipe ya Arsenal y’umutoza Mikel Arteta aho iyi kipe igomba kuzacakirana n’ikipe ya Southampton.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO