Priyanka Chopra yanyomoje amakuru avuga ko yatandukanye n’umugabo we

Priyanka Chopra aherutse gukura izina ry’umugabo we Jonas ku mazina akoresha ku rubuga rwe rwa Instagram mu kwezi gushize bituma abantu benshi batangira gucyeka ko yaba yaratandukanye n’umugabo we Nick bashakanye mu 2018. Gusa Priyanka yatangaje ko bombi babanye neza ndetse ko gutandukana atari umushinga bateganya.

Priyanka Chopra wabaye miss w’isi mu mwaka wa 2000, Inkuru y’uko yaba yaratandukanye n’umugabo we yatangiye kuvugwa nyuma y’uko uyu mugore w’imyaka 39 akuye izina Jonas ry’umugabo we ku mbuga nkoranyambaga ze.

Priyanka Chopra yongeye izina ry’umugabo we Jonas ku mbuga ze za Twitter na Instagram akimara gushyingirwa Nick Jonas mu 2018.

Nyuma y’uko akuye izina Jonas kuri izi mbuga nkoranyambaga, ibitangazamakuru byinshi byatangiye gucyeka ko aba bombi batandukanye.

Mu kiganiro yagiranye na Times of India, asobanura impamvu yakuye izina Jonas ku mazina yo ku mbuga nkoranyambaga, Chopra yasubije ko ntayindi mpamvu yabikoze ngo ni uko yashakaga ko izina akoresha kuri Instagram rihura n’iryo akoresha kuri Twitter.

Priyanka Chopra ni umwe mu bankurikirwa n’abantu benshi.

Yakomeje avuga ko atazi impamvu ibintu byose abantu babiremereza bakabigira byacitse kandi ari akantu gato. Yaravuze ati " izi ni imbuga nkoranyambaga mwa bantu mwe, mutuze nta gikuba cyacitse."

Mu kiganiro yagiranye na InStyle podcast Chopra yavuze ko umubano we n’umugabo we umeze neza cyane ndetse ko babikesha kuganira cyane no kumvikana hagati yabo n’ubwo akazi bakora gatuma batabona umwanya uhagije wo kubana.

Yakomeje agira ati " Turaganira cyane, turaziranye cyane kandi buri umwe yumva mugenzi we. Umugabo wanjye anyitaho cyane akananshyira imbere y’ibindi bintu byose kuburyo ajya afata iminsi itatu agatega indege ava mu Bwongereza aje kundeba umunsi umwe gusa aho ndi gufatira amashusho ya filime."


Priyanka Chopra avuga ko abanye neza n’umugabo we.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO