Riderman yasinyishije Producer w’umukobwa, Aba uwa mbere mu Rwanda

Niwitegereza ukabaza n’abandi bamaze igihe mu muziki wo mu Rwanda uzasanga nta mukobwa w’umu producer w’umuziki uri mu Rwanda cyangwa ngo abe yarigeze gukora kariya kazi nyuma kamunanire bigire inzira.

Abasanzwe bakora aka kazi bavuga ko biterwa n’uko nta mukobwa uzi gucuranga ibyuma byinshi bya muzika bityo ko ntawe ushobora gutunganyiriza umuziki muri studio.

Zimwe mu mbogamizi zigonga abakobwa benshi bigatuma batajya mu byo gutunganya umuziki ni uko usaba gukora amasaha menshi cyane cyane aya nijoro cyangwa ugasanga bamwe batajya mu batunganya umuziki muri studios bitewe n’uko nta bushake babigiramo.

Umunyarwandakazi wabikoze[akaza kubireka] aba mu Bwongereza kandi icyo gihe niho yabikoreye.

Gusa uwitwa Kanoheli Christimas Ruth wiyise amazina ya “Chrisy Neat” yakuyeho aka gahigo aba uwa mbere ubikoze mu Rwanda nyuma yo gusinya muri Studio y’Ibisumizi ya Riderman.

Mu kiganiro na Dj Theo usanzwe ushinzwe ibikorwa by’Ibisumizi Records yatangarije Genesibizz ko nyuma yo kubona ubuhanga bw’uyu mukobwa bahise bamusinyisha amasezerano y’imikoranire nubwo yanze kuvuga byishi kubikubiye mu masezerano bagiranye yashimangiye ko kugeza ubu Chrisy Neat ari Producer wemewe mu Ibisumizi Records aho azajya akorana na Producer Evydecks wakorera muri Touch Studio.

Ku ruhande rwe Chrisy Neat we yavuze ko afite inzozi zo kuzaba Producer nyuma y’ibintu byinshi yagiye yumva ko mu nzu zitunganyirizwamo indirimbo habamo ruswa y’igitsina ku bahanzikazi akaba aribyo byamuteye iryo shyaka ryo kugira ngo nawe ajye afasha bagenzi be b’abakobwa gukora nabo bisanzuye.

Asoza uyu mukobwa yashimangiye ko kuba agiye gukorera muri Studio ikomeye nk’Ibisumizi ari ibintu yishimiye cyane kuko yakunze kwifuza ko nasoza amasomo ye y’umuziki aho yize ibijyanye no gutunganya umuziki yazakorera Umuraperi Riderman none inzozi ze zibaye impamo.


Uyu mukobwa yize umuziki ku Nyundo


Avuga ko aje kubera igisubizo abakobwa bagira amakenga ko bazakwa ruswa y’igitsina


Ubu yatangiye gukorera mu Ibisumizi

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO