Producer Evydecks yasezeye muri Touch yerekeza mu Bisumizi

Producer Ishimwe David uzwi ku mazina ya Evydecks mu gutanganya indirimbo warumaze imyaka irenga itanu muri Studio ya Touch Entertainment yamaze kwerekeze muri Studio y’Ibisumizi ya Riderman.

Mu minsi yashize nibwo umuhanzi Riderman yatangaje ko agiye kugarura Studio ye y’Ibisumizi yari imaze imyaka igera kuri irindwi yarahagaze mu mikorere.

Ubwo uyu muhanzi aheruka kuganira na Genesis TV yavuze ko hari byinshi bakiri gushyira ku murongo ariko mu minsi yavuba bakaba bazamurikira Abanyarwanda ibikorwa bishya by’Ibisumizi.

Ati “Kugeza ubu ibijyanye n’umuziki biri ku murongo ariko hari n’ibindi bitari iby’umuziki turi kongera muri Serivisi dutanga mugihe byatunganye tuzabimenyesha Abanyarwanda ntakibazo.”

Amakuru yizewe agera kuri Genesis TV ni uko Producer Evydecks we yamaze gusezera muri Studio ya Touch Entertainment yagiyemo mu mwaka wa 2015.

Kuri ubu akaba ariwe Producer mushya mu Bisumizi aho yatangiye gukorerayo imwe mu mishinga ya mbere muri iyo Studio iherereye I Gikondo.


Biravugwa ko Evydecks ariwe Producer uzatangirana n’Ibisumizi


Evydecks asanzwe akorera abahanzi barimo ’Mr Kagame, AmaG The Black, Clarisse Karasira n’abandi...

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO