Producer Jumperr Keellu yakoranye indirimbo na Producer Someone Else na TH3 DARP bakunzwe mu njyana ya EDM

Umuziki Nyarwanda ukomeje gufata indi ntera aho indirimbo zikorwa zinononsorwa hagendewe ku mpamvu iba yateye ikorwa ryazo, gusa mu mikorerwe yazo hazamo itandukaniro rigaragara cyane iyo uzumvise ukazigereranya.

Ni muri urwo rwego umuhanzi akaba na Producer Jumperr Keellu yashyize hanze indirimbo ABOVE iri mu njyana ya EDM yakoranye n’abasorre babiri bamaze kuba ibyamamare muri iyo njyana aribo Jessenth Ebenezer uzwi nka [Someone Else] ndetse na Diogo Pinto [TH3 DARP] ukomoka mu gihugu cya Portugal.

Mu kiganiro na Genesisbizz Producer Jumperr Keellu yadutangarije icyatumye akorana indirimbo nabo basore bakunzwe cyane mu gushyushya abantu binyunze mu njyana ya EDM.

Yagize ati ‘ ” Mu busanzwe aba producers ba EDM barakorana bya hafi mu bikorwa byinshi, harimo nko gukosorana no kugirana inama, ni muri ubwo rwego nahuye na bariya ba producers

Naho ibijyanye n’indirimbo ubwo nari nicaranye na Coal Blaak umuririmbyi akaba n’umwanditsi nkunda cyane muri muzika Nyarwanda twatekereje ku ndirimbo twakora twungurana ibitekerezo, mpita ntangira gukora injyana naho Coal Blaak yandika amagambo ayasoje twararirimbye nkora ibyanjye ndangije nyoherereza Someone Else nawe yongeramo umwirongi, muri make ayijyanisha n’injyana zikundwa muri Aziya ariko idatakaje umwimerere wayo, nawe ayoherereza Th3 Darp ayijyanisha na EDM y’I Burayi.

yakomeje agira ati " muri make niba ukunda electonic, iyi ndirimbo urayisangamo, kandi irabyinitse, yanditse na neza kandi iri hejuru nk’uko izina ryayo riyivuga ABOVE”

Iyi ndirimbo ABOVE isohotse nyuma y’uko Jumper Keellu agaragaye ndirimbo Grateful yasohotse kuri album Sweet Thunder ya Ange Rita Kagaju.


Diogo Pinto [TH3 DARP] ukomoka mu gihugu cya Portugal.


Jessenth Ebenezer uzwi nka [Someone Else] ukomoka mu gihugu cy’ubuhinde


Jumper Keellu yagaragaye mu ndirimbo Grateful, yasohotse kuri album Sweet Thunder ya Ange Rita Kagaju.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO