Producer Kozze yasubije abatekereza ko Country Records izasubira inyuma igihe Element yayivamo

Hashize iminsi humvikana inkuru zivuga ko Producer Element yaba yaratandukanye n’inzu itunganya umuziki ya Country Records, Gusa Kozze yasubije abatekereza ko hazabaho gusubira inyuma muri iyi nzu.

Fred Robinson Mugisha yamamaye mu muziki nka producer Element, Ni kenshi humvikanye inkuru zivugwa ko yaba yaraguzwe n’inzu ifasha abahanzi ya 1:55 am ku kayabo ka miliyoni zibarirwa mu binyacumi ngo ave muri Country Records.

Element ni umwe mu batunganya umuziki wahiriwe n’uruganda aho amaze gutwara ibihembo bya producer w’umwaka imyaka itatu yikurikiranya akaba yaranakoze indirimbo nyinshi zakunzwe na benshi.

Producer Kozze nawe ubarizwa muri Country Records yagize icyo abwira abatekereza ko iyi nzu izasubira inyuma niba idafite Element.

Kozze ubusanzwe wahawe amazina n’ababyeyi, Irakoze Jean Pierre, abinyujije kuri Instagram ye yavuze ko Country Records itazigera isubira inyuma nk’uko benshi babitekereza, Ndetse avuga ko hakiri abatunganya umuziki bato bari kuzamuka kandi bafite impano.

Kugeza Kozze niwe ukorana n’inzu ya Country Records muburyo buzwi ariko na Element uvugwaho kuba yaragiye muri 1:55 am ntacyo arabitangazaho ku mugaragaro

Ifoto: instagram.com/iamkozze

Ibya Element na Country Records ntibirasobanuka neza

Kozze (iburyo) avuga ko Country Records itazasubira inyuma niyo yaba idafite Element

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO

To show your avatar with your message, register it first on gravatar.com (free et painless) and don’t forget to indicate your Email addresse here.