Producer Nicolas yatandukanye na Ishusho Studio

Producer Nicolas wamenyekanye mu gutunganya indirimbo nyinshi zakunzwe nka "Ungirira Ubuntu" ya Meddy n’izindi zitandukanye, yatangaje ko yamaze gutandukana na Ishusho Studio.

Mucyo Nicolas wamenyekanye ku izina rya Producer Nicolas ni umwe mu batunganya umuziki mu buryo bw’amajwi batangiye uyu mwuga kera ndetse ni umwe mu bahanga u Rwanda rufite muri aka kazi ko gutunganya no kuyungurura amajwi.

Ku itariki 9 Kanama 2021 nibwo Nicolas yasinye amasezerano y’imikoranire na Ishusho Company Limited ihagarariwe na Muyoboke Alex.

Mu kiganiro na Genesisbizz, Nicolas yadutangarije ko yamaze gutandukana n’inzu itunganya umuziki ya Ishusho Studio.

Yadutangarije ko impamvu nyamukuru yo kuva muri Ishusho Studio ari ibyo impande zombi zitumvikanye neza ku bijyanye n’imikorere bikaba byatumye asezera.

Yakomeje atubwira ko yari afite studio ye bwite yakoreragamo yitwa Day Star Records, ubu akaba ariyo agiye kwibandaho nyuma yo gutandukana na Ishusho Studio.

Muri iyi minsi Nicolas yari mu bikorwa bitandukanye byo gukora imiziki iba mu buryo bw’ako kanya (live music) aho yari ari gukorana n’abahanzi batandukanye nka Israel Mbonyi, mu ndirimbo yise Icyambu hamwe n’itsinda rya James na Daniela mu ndirimbo bise N’ubu niho nkiri.

Mu yindi mishinga Nicolas yari ahugiyemo, harimo gutunganya amajwi (Audio production) y’igitaramo cya Iwacu na Muzika mu buryo bwo kugirango amajwi agere ku bantu ayunguruye neza.


Producer Nicolas yamaze gutandukana na Ishusho Studio.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO