Producer Track Slayer arashinja ubwambuzi ‘Aimable’ uri gutegura ibitaramo bya Rwanda Gospel Stars Live

Producer Track Slayer arashinja Nzizera Aimable uri gutegura ibitaramo bya Rwanda Gospel Stars Live kuba yaramukoreye umushinga w’indirimbo y’aba Dorcas na Vestine ariko bikaza kurangira atamwishyuye.

Muri iki cyumweru mu binyamakuru bitandukanye no ku mbuga nkoranyambaga mu Rwanda hagezweho inkuru z’abana bagize itsinda rya Dorcas & Vestine zivuga ku gutandukana kwabo n’umunyamakuru Murindahabi Irene wabazanye mu muziki.

Uretse ibyo kandi hiyongeyemo n’abandi bagabo harimo Mike Karangwa n’undi witwa Nzizera Aimable winjiye mu muziki wa Gospel nk’umushoramari.

Byagiye bivugwa ko aba aribo bagiye mu matwi y’ababyeyi ba Dorcas na Vestine kugirango abe aribo bakurikiranira hafi inyungu z’abo bana mu muziki.

Iyo nkuru yahise izura n’indi yo kuri uyu mugabo utamenyerewe mu bikorwa bya muzika ariwe Nzizera Aimable y’uburyo yambuye Producer Track Slayer nabwo ku kiraka yari yamuhaye cyo kumukorera indirimbo ya Dorcas na Vestine.

Mukiganiro Genesis TV yagiranye na Producer Track Slayer yavuze ko yahamagawe na Aimable amubwira ko yamusanga Kimironko kuri Studio kugirango bakorane.

Ati “Narahageze ambwira ko ashaka ko mukorera indirimbo ya Dorcas na Vestine bazifashisha mu irushanwa rya Rwanda Gospel Stars Live. Iyo nasanze bariya bana bariyandikiye barayanze mbashakira undi muntu ubafasha kuyinononsora neza abaha n’injyana yayo (melodie).

Kuko narinziko bariya bana bakorana na Irene numvaga ko abizi, nanga kwirirwa ntinda ku bintu by’amafaranga kuko bari bamaze kumbwira ko umuntu ufite amafaranga ataraza aho kuri Studio kugirango nishyurwe.”

Akomeza avuga ko byatumye indirimbo atayirangiza bitewe no gutinda kwishyurwa.

Ati “Igitangaje n’uwo nabazaniye wo kubafasha banze kumwishyura bituma muha mu yanjye.”

Track Slayer avuga ko yagerageje kwishyuza uwo Aimable ariko agakomeza kumuraza I Nyanza.

Ati “Namusabaga kunyishyura akanyohereza ku muntu wa Studio, namubwira nawe akambwira ko aribo bagomba kunyishyura. Rero iyo umuntu mubwiye rimwe ngo nyishyura bikaba gatatu ndamwihorera.”

Iyi ndirimbo itarasohoka Track Slayer avuga ubu hagiye gucamo igihe kirenga ukwezi bayikoze. Gukora Audio yayo ngo yari yabaciye ibihumbi 100frw n’andi ibihumbi 80frw y’uwo wabafashije mu kwandika indirimbo.

Track Slayer uvuga ko yambuwe


Nzizera Aimable uri gutegura Rwanda Gospel Stars Live washyizwe mu majwi ko yambuye Track Slayer

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO