Prof. Nshuti Manasseh yasimbuye Nduhungirehe uherutse gutakarizwa ikizere

Kuri uyu wa Kane Perezida wa Repubulika Paul Kagame yagize Prof Nshuti Manasseh Umunyamabanga wa Leta muri Minisiteri y’Ububanyi n’Amahanga n’Ubutwererane.

Itangazo ryaturutse mu biro bya Minisitiri w’Intebe riragira riti "Ashingiye ku biteganywa n’Itegeko Nshinga rya Repubulika y’u Rwanda ryo mu 2003 ryavuguruwe mu 2015 cyane cyane mu ngingo yaryo ya 116, kuri uyu wa Kane Perezida wa Repubulika Paul Kagame yagize Prof Nshuti Manasseh, Umunyamabanga wa Leta muri Minisiteri y’Ububanyi n’Amahanga n’Ubutwererane ushinzwe Umuryango wa Afurika y’Iburasirazuba."
Prof Nshuti Manasseh akaba asimbuye kuri uyu mwanya Ambasaderi Olivier Nduhungirehe uherutse gusezererwa.

Prof Nshuti ni impuguke mu bijyanye n’ubukungu, akaba kandi mu bihe bitandukanye yaranabaye umwe mu bagize Guverinoma y’u Rwanda, aho yayoboye Minisiteri y’Ubucuruzi, Inganda, amakoperative n’ubukerarugendo, Minisiteri y’Imari ndetse na Minisiteri y’Abakozi ba Leta n’Umurimo.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO