Queen Cha ni umukobwa mwiza buri wese yakwifuza ko bakorana – Gahunzire Aristide

Umuhanzi Queen Cha hamwe na Aristide Gahunzire ukurikirana inyungu z’abahanzi baviriye rimwe muri The Mane nyuma bivugwa ko baba bagiye gukorana ndetse bamwe batangira gukeka urukundo hagati yabo.

Mukiganiro Gahunzire Aristide yakoreye kuri Genesis TV yabajijwe ku kibazo cyibyavugwaga ku rukundo rwe na Queen Cha dore ko hari ibihuha byavugaga ko baba bakundana.

Mu gusubiza yavuze ko badakundana kandi ko ari inshuti ye cyane ku buryo bakorana ibikorwa binyuranye haba iby’umuziki n’ibindi.

Ati “Nibitari umuziki turakorana ni inshuti yanjye. Ikindi ni umukobwa mwiza ntacyo bitwaye kuba twakora iyo Geste (Ubukwe) gusa si ibyo kuba nabwira abantu bose gusa ntabyo rwose.”

Mu cyumweru dusoje nibwo Queen Cha yasohoye integuza y’indirimbo ye nshya yise “Feel me” yakorewe Dubai.

Aristide yabaye umwe mu bagiye baha abantu ako ka Video ngo bamufashe kukamenyekanisha henshi mu rwego rwo kugirango habeho kwitegura iyo ndirimbo nshya.

Ibi byatumye hari abakeka ko yaba agiye gukorana byihariye n’uyu muhanzi mu buryo bwo gukurikirana inyungu ze mu muziki.

Avuga ko bari gukorana nk’inshuti. Ati “Buriya Queen Cha tuziranye kuva mbere ugereranyije n’abandi bahanzi twabanye muri The Mane. Ubu turi gukorana mu buryo bwa Business uko mufasha niko nawe yamfasha. Iyo mbonye ikiraka gikeneye abahanzi mutanga mu bimbere tukagabana % bitewe nibyo twumvikanye.”

Akomeza avuga ko gusohora indirimbo kwa Queen Cha akamufasha kugirango igere kure nawe bimufasha guharura inzira kugirango amubonere amasoko gusa ngo ntabwo ari mu Kompanyi ye mu buryo busesuye.


Queen Cha yateguje abakunzi be ko agiye gusohora indirimbo nshya


Aristide na Queen Cha nga bazajya bakorana nk’inshuti

Ikiganiro twagiranye na Aristide Gahunzire

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO