R. Kelly arasaba kongererwa iminsi yo kuburana ku byaha ashinjwa mu gihe habura igihe gito ngo akatirwe igifungo

R. Kelly ari gusaba kongererwa iminsi yo kuburana ku birego aregwa gukorera muri leta ya New York mu gihe akiri kuburana ku byo ashinjwa gukorera muri Chicago. Uyu mugabo ashinjwa ibyaha birimo gucuruza abantu no gusambanya ku gahato.

Mu gihe iminsi ibarirwa ku ntoki ngo R. Kelly akatirwe n’inkiko, kuri ubu uyu mugabo ari gusaba kongererwa iminsi yo kuburana ku byaha ashinjwa.

Robert Sylvester Kelly w’imyaka 55 biteganyijwe ko agomba gufungwa azira ibyaha byo gukoresha imibonano mpuzabitsina ku gahato n’icuruzwa ry’abantu mu buryo bunyuranyije n’amategeko aho ibi byaha yabikoreye muri leta zitandukanye.

Abunganira R. Kelly barasaba ubucamanza kwigiza inyuma urubanza azasomerwa i New York kugeza nibura asoje urubanza rwa Chicago kuko aribwo bazabasha kurengera inyungu ze ndetse agahabwa ubutabera bwuzuye.

Kugeza ubu R. Kelly yahamijwe ibyaha icyenda birimo gukoresha imibonano mpuzabitsina ku gahato, gukinisha abana batujuje imyaka y’ubukure muri filime z’urukozasoni no gucuruza abantu mu buryo butemewe.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO