RDC:Ntibisanzwe!Abagore batatu biyemeje gusarangana umugabo umwe ndetse basezerana imbere y’Imana

Umugabo ukomoka mu gihugu cya Repubulika Iharanira Demokarasi ya Congo witwa Byamungu Kanjira Prosper yafashe umwanzuro maze asezerana n’abagore batatu umunsi umwe ndetse ibi bikomeje guteza ururondogoro.

Abagore batatu bari babukereye mu myambaro yambarwa n’abageni bari bakikije uyu mugabo ubwo bari mu rusengero rwitwa The Primitive Church, gusa ngo abayoboke b’iri dini bemera ko umugabo umwe ashobora kurongora abagore benshi.

Iri dini rivuga ko byemewe ko umugabo umwe ufite ubushobozi ashobora kurongora abagore barenze umwe kuko ngo na kera na kare byahozeho.

Amashusho yerekena ubukwe bwabo yerekanwe ku mbuga nkoranyambaga ndetse muri aya mashusho yagaragaje bwana Prosper asezerana n’aba bagore uko ari batatu icyarimwe.

Uyu mugabo kandi yashize impumpu asobanura icyemezo cye yafashe cyo kurongora umugore urenze umwe,aho yasobanuye ko umubare w’abagore mu Isi ugenda uba mwinshi bityo rero ngo nta mpamvu nimwe yabaho afite umugore umwe kandi abagore bakomeje kwiyongera.

Dushingiye ku mahame y’uyu mugabo Prosper hari n’abasesenguzi benshi bakomeje gutangaza ko hari igihe kizagera maze umugabo umwe agashyingiranwa n’abagore barindwi.

Uyu mugabo avuga ko bikwiriye ko umukobwa uzajya uza gusenga muri iri dini akwiye kuba yizeye ko yamaze kubona umugabo kugirango bitazajya bimutera ikibazo mu gihe abona abandi babanye neza n’abagabo we asa n’uwagumiwe.

Aba bagore batatu kandi baje guhabwa umwanya maze bagaragaza uburyo bishimiye gushakana n’uyu mugabo ndetse baboneraho no guhamya ko bibateye ishema.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO