RGB yibukije abayobozi b’amadini inshingano zabo mu gukumira coronavirusi

Umuyobozi Wungirije mu Rwego rw’Igihugu rw’Imiyoborere, RGB, Dr Nibishaka Emmanuel yavuze ko mubyo abayobozi b’amadini n’amatorero basabwa gukora muri ibi bihe Isi yugaruijwe na Coronavirus ari uguhumuriza abakristo ndetse no kubashishikariza gukurikiza amabwiriza.

Icyorezo cya COVID 19 giterwa na Coronavirusi kiri mu bihangayikishije Isi yose n’u Rwanda muri rusange dore ko kuri ubu abagera kuri 40 aribo bamaze kwandura iki cyorezo mu gihugu hose.

Guverinoma y’u Rwanda yashyizeho ingamba zo kwirinda ikwirakwira ry’iki cyorezo aho kuri ubu imipaka yose yafunzwe, abantu bose basabwe kuguma mu ngo zabo ndetse n’ibindi bikorwa bitandukanye byarafunzwe mu gihe cy’iminsi 14.

Ni ibintu abanyarwanda bashishikarizwa kubahiriza mu rwego rwo kwirinda iki cyorezo kimaze guhitana abasaga 18 571 ku Isi.

Urwego rw’Igihugu rw’Imiyoborere, RGB, rutangaza ko uyu munsi wa none Abanyarwanda benshi bangana na 95% bari mu madini n’amatorero.

Ni ukuvuga ko abayobozi bayo bafite uruhare rukomeye, kwigisha abayoboke babo, no kubakangurira gukurikiza gahunda zitandukanye zaba izishyirwaho na leta mu nyungu rusange n’ibindi.

Ubwo yari mu kiganiro Waramutse Rwanda cyo kuri Television Rwanda, kuri uyu wa 24 Werurwe 2020, Dr Nibishaka yavuze ko nk’uko amateka abigaragaza, amadini n’amatorero yagiye agira uruhare rukomeye mu buzima bw’ibihugu haba mu Rwnada ndetse no hirya no hino ku Isi.

Dr Ngamije yavuze ko uruhare rw’amadini n’amatorero kandi rukenewe muri ibi bihe Isi yugarijwe na Coronavirus, by’umwihariko abayobozi bayo bashishikariza abo bayobora kwirinda no gufasha inzego zishinzwe ubuzima mu kubahiriza ingamba.

Ati “Nk’uko abantu bemera ko ibirenze imbaraga cyangwa ubwenge bwabo hari izindi mbaraga zabafasha, ibyo babivana mu madini. Ese amadini ayobora ate iyo myemerere ko abaturage bemera ko hari izindi mbaraga zabafasha.”

“Icya mbere numva ni ukubahumuriza ko ibihe nk’ibi byagiye bibaho na cyera, ese abantu babyitwaragamo bate? Abayobozi b’imyemerere bafashaga abayoboke gute? Ariko tukanemera ko Imana ifasha uwifashije.”

RGB ivuga kandi ko kuba abantu baguma mu rugo bitababuza gusenga kuko gusengera mu ngo nabwo Imana ishobora kubumva kandi bikabafasha no kwirinda.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO