RPLD19:Police irakira na Gasogi United, As Kigali yakire Etincelles

Shampiyona y’umupira w’amaguru mu Rwanda mu kiciro cya mbere irakomeza ku munsi wayo wa 19, aho imikino irahera kuri uyu wa Gatanu. Ikipe ya Police Iraba yesurana na Gasogi United Kuri stade ya Kigali, i Nyamirambo saa 15hoo.

Indi mikino iteganyijwe kuba ku wa Gatandatu ndetse no ku cyumweru. Undi mukino ukomye uzaba ku cyumweru, uzahuza ikipe ya Bugesera na Rayon Sports I Bugesera.

Rayon sports irajya I Bugesera iri kumwe n’abakinyi bayo bashya barimo Kayumba Soteri na Drissa Dagnogo. umukino uheruka Rayon sports yatsinze Bugesera ibitego 2-1. Ni ibitego byabonetse mu gice cyakabiri.

Rayon sports irajya gukina n’ikipe ya Bugera ihanganye n’abakinnyi bayihozemo aribo Sina Jerome, Tchabalala n’abandi batandukanye.

Ikipe z’ingabo nazo ziracakirana kuri iki cyumweru APR Fc na Marines Fc kuri stade I Nyamirambo saa 15hoo, izi kipe zikunze guhangana mu buryo bubereye amaso.

APR Fc ikomeje kuyobora urutonde rwa shampiyona n’amanota 42, igakurikirwa na mukeba Rayon sports ifite amanota 38. Izi kipe zombi zikomeje guhanganira igikombe cya shampiyona. Ikipe ziheruka izindi ku rutonde rwa shamiyona kugeza ubu ni Heroes na Gicumbi zose ziranganya amanota 12.

Dore uko imikino yo ku munsi wa 19 wa shampiyona iteye.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO