Rafael Nadal yababajwe bikomeye no gusezera kwa mugenzi we Roger Federer bahatanye bikomeye mu mukino wa Tennis

Umunyabigwi muri Tennis Rafael Nadal yababajwe bikomeye no kumva ko umunyabigwi mugenzi we bahanganye bikomeye igihe kirekire muri Tennis agiye gusezera.

Umunyabigwi ukomeye cyane muri Tennis Roger Federer yatangaje ko agiye guhagarika gukina uyu mukino nk’uwabigize umwuga ndetse agasezera kubera ikibazo gikomeye cy’imvune yagize mu ivi ndetse akaba ngo ayimaranye igihe kinini.


Federer yakomeje avuga ko mu cyumweru gitaha nyuma y’irushanwa rya Laver Cup rizabera i Londres mu Bwongereza, aribwo azasezera byeruye kuri uyu mukino.

Ntabwo yabaye inkuru ishimishije kuri mugenzi we Rafael Nadal wahanganye igihe kinini na Federer kuko yahise atangaza ko ababajwe bikomeye no gusezera k’uyu mugabo mu buryo butunguranye.

Mu magambo ye Rafael Nadal Yagize ati “Nshuti yanjye, mukeba wanjye Roger, nakwifuje ko uyu munsi utakageze,

Ku giti cyanjye iyi nkuru irambabaje ndetse n’isi yose muri rusange. Nejejwe kandi ntewe ishema n’ibihe byiza bitangaje twagiranye mu kibuga no hanze yacyo.”

Federer yabaye nimero ya mbere muri Tennis ibyumweru 310, ndetse yashyizeho agahigo gakomeye ko kumara ibyumweru 237 byikurikiranya ari uwambere ku Isi.

Uyu mugabo yatwaye Gland Slam zigera kuri 20 mu bihe bitandukanye ndetse yanatwaye ibikombe birenga 103 mu gihe yari amaze akina Tennis.

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO