Rangira ‘Trisyo’ Umunyarwanda uri kubaka izina mu muziki wa Hong Kong

Rangira Arnold Tresor ukoresha izina rya Trisyo mu muziki ni umusore w’Umunyarwanda uba mu gihugu cy’Ubuyapani aho ubu ari kugenda atera intambwe ikomeye mu muziki wo muri icyo gihugu.

Uyu musore yavutse taliki ya 25 Kanama 1995 avukira muri Kigali, yavuye mu Rwanda muri 2013 agiye gukomereza amasomo ye I mahanga.

Amashuri abanza nayisumbuye yayigiye mu Rwanda mu bigo bitandukanye birimo Saint Famille, Saint Peter Igihozo I Nyanza asoza mu bijyanye n’imibare ubukungu n’ubumenyi bw’isi (MEG).

Nyuma yaho nibwo yaje kwerekeza mu mujyi wa Hong Kong muri kaminuza yitwa Chinese University of Hong Kong (CUHK).

Yavumbuye ko afite impano yo kuririmba afite imyaka 14 aho yandikaga indirimbo mu makaye ariko natabe yajya muri Studio. Nyuma nibwo yaje kujya mu irushanwa rya ‘Talent detection’ ryategurwaga na Skizzy wo muri KGB gusa ntiyagira amahirwe yo kuryegukana.

Indirimbo ye ya mbere yayikoreye muri Hong Kong.

Ati “Naherekeje umuraperi witwa Sounds Ghana muri Studio ampuza naba Producers baho bituma ntangira kumenyana nabo ntangira gukora indirimbo, mpera kuyitwa Name your fear.”

Nyuma yaje guhura n’abandi barimo umukonwa witwa Eli ukomoka muri South Africa aramufasha nawe aririmba mu ndirimbo ye.

Yakomeje gukora umuziki aza guhura n’uwitwa Professor Sealing Cheng waho yiga binyuze mu kiganiro bagiranye bituma amuha amahirwe yo gukorana n’itsinda ryitwa ‘Talent Displaced’ kuko hari icyo yamubonyemo.

Nubwo akora indirimbo nyinshi mu cyongereza bitewe naho aba ngo ajya akurukirana n’umuziki Nyarwanda kuko akunda cyane umuhanzi Riderman.

Ati “Riderman ni umuhanzi nigiraho kuva kera, bitewe n’uburyo aririmba ndetse n’ubutumwa indirimbo ze ziba zitanga hamwe n’imyitwarire ye muri rusange.”

Gukorera umuziki mu Buyapani bijya bimugora cyane bitewe nuko nta bamutera inkunga arabona kandi akaba anabihuza n’amasomo.

Ati “Ntabwo biba byiroshye gusa ndacyeka nko mu myaka itanu iri mbere nzaba maze kugera ku rwego rushimishije aho nzaba nambutsa ibihangano byange mu bihugu byinshi bitandukanye, bikaba bizanyorohera kuko indirimbo nyinshi zanjye ziri mu rurimi rw’icyongereza.”


Mu ntego afite harimo no kuza gutaramira mu Rwanda


Mu bihangano bye avangamo imico itandukanye haba mu Rwanda ndetse naho aba mu Buyapani


Mu bitaramo yitabira yambara bya Kinyarwanda

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO