Rayon Sport itsinze Gasogi United, KNC ahita avuga ko akuye ikipe ye muri shampiyona y’u Rwanda

Nyuma yo gutsindwa igitego 1-0 n’ikipe ya Rayon Sports, Perezida wa Gasogi United, KNC akaba yahise atangaza ko bitewe nibyo amaze iminsi abona mu mupira wo mu Rwanda bitumye asezera muri shampiyona y’umupira w’u Rwanda.

Ibi bibaye nyuma y’aho ikipe ya Gasogi United yari itsinze igitego cyo kwishyura ariko umusifuzi wo ku ruhande akamanika igitambaro ko habayeho kurarira.

N’agahinda kenshi yagize ati "Enough is enough, icyo mvuze ni uko ngiye kuyivana muri ino shampiyona, ivuyemo. Ibisigaye nta mukinnyi wange uzagira ikibazo, bazakomeza bahembwe bakore imyitozo, ariko ntago dushobora kujya mu bintu nk’ibi ngibi".

“babikoze babishaka, kuko navuze ngo Komisiyo y’imisifurire yose yegure, ibi ni ibigaragaza ko Federasiyo yuzuyemo mafias, umwanda n’ibindi, twebwe dufashe umwanzuro ikipe tuyivanye mu irushanwa."

KNC yavuze kandi ko ibiri kubera mu mupira w’u Rwanda nibikomeza bishobora kuzatuma abantu barwana.

Perezida wa Gasogi atangaje ibi nyuma y’uko mu minsi ishize aherutse guhabwa ibihano na Ferwafa ashinjwa gusebya perezida wa Kiyovu Sport ndetse no gutesha agaciro umusifuzi Ahishakiye Balthazar.

Indi mikino ya shampiyona y’umunsi wa 15 uko yagenze:

Mukura 1-0 Etincelles FC
Etoile de l’Est FC 2-0 AS Kigali
Bugesera FC 2-0 Gicumbi FC
Rutsiro FC 0-1 Musanze FC

Genesisbizz

Related Articles

Igitekerezo cyawe kirashyirwaho aruko gisusumwe

TANGA IGITEKEREZO